Նույնիսկ Արամ Զավենիչը չի վստահում Արեւմուտքի խոսքերին

«Հանրապետություն» կուսակցության նախագահ ԱՐԱՄ Զ․ ՍԱՐԳՍՅԱՆԸ գրեթե խոր կսկիծով հայտնում է, որ Թրամփ-Պուտին համաձայնագիրը զայրացրել եւ հուսալքել է արեւմտյան արժեքներին, ժողովրդավարությանը եւ արդարությանը հավատացող հանրության մի ստվար հատվածի։

«Կարծում եմ՝ պետք չէ շտապել։ Սա Թրամփն է՝ իր անկանխատեսելիությամբ եւ տեսակետներն արագ փոխելու սովորությամբ։ Նոյեմբերին ԱՄՆ Կոնգրեսի միջանկյալ ընտրություններին ընդամենը մի քանի շաբաթ է մնացել, իսկ դրանից հետո, վստահաբար, Թրամփը լրիվ հակառակ տեսակետը կհայտնի։ Առաջին անգամը չէ…», - ինքն իրեն քաջալերել ու հույս է տվել Արամ Զավենիչը։

Բայց այստեղ ուշագրավն այն, որ «արեւմտյան արժեքների» դրոշը բարձրացրած Արամ Զավենիչը խոստովանում է, որ վստահել չի կարելի արեւմտյան աշխարհի առաջնորդի խոսքերին։ Հետեւապես, հարց է առաջանում՝ եթե Թրամփը կարող է այսօր մի բան ասել, վաղը՝ դրա ճիշտ հակառակը, ապա ի՞նչ երաշխիք ունի Հայաստանը, որ TRIPP-ի շուրջ պայմանավորվածություններն էլ մի օր չեն հայտնվի նույն քաղաքական քմահաճույքի տակ։ Իսկ եթե վաղը նույն Թրամփը որոշի վերանայել նաեւ Նիկոլ-Ալիեւ նախաստորագրված խաղաղության վերաբերյալ իր մոտեցումը, այդ ժամանակ ո՞վ է պատասխան տալու հերթական աշխարհաքաղաքական հիասթափության համար։

Համաձայնեք, որ հատկանշական է այս հարցերը բարձրացումը ոչ թե ամերիկյան քաղաքականության հակառակորդների, այլ հենց այն ուժի ղեկավարի կողմից, որը մշտապես իրեն ներկայացրել է արեւմտյան քաղաքական վեկտորի ջերմեռանդ կողմնակից։

ՀՐԱՆՏ ՍԱՐԱՖՅԱՆ

Այս թեմայով «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ Գևորգ Թորոսյանը նշանակվել է Քաղաքացիական ավիացիայի կոմիտեի նախագահ Զելենսկու մերձավոր շրջապատը շոկի մեջ է Թրամփի՝ նախագահ փոխելու պահանջներից. Bild Ժամանակն է, որ Ուկրաինան նոր նախագահ ունենա. Թրամփ Ի՞նչ կարող է անել Զելենսկին, երբ Թրամփը հայտարարեց, որ Ուկրաինային նոր նախագահ է պետք