Ամենագաղափարական ընդդիմությունը մենք ենք․ Հայկ Բաբուխանյան

Լրագրողների հետ ճեպազրույցում «Ուժեղ Հայաստան» դաշինքի առաջնորդ Սամվել Կարապետյանը կրկին հայտարարել է, թե համախմբելու են ընդդիմադիր շատ ուժերի՝ նշելով, որ երկու շաբաթից կներկայացնեն նաեւ «խաղաղություն՝ առանց զիջումների» ծրագիրը: Թե որ ուժերի մասին է խոսքը, Կարապետյանն ընդգծել է. «Համախմբելու ենք ճիշտ ուժերի, ովքեր իրոք ընդդիմադիր են»: Որն է ճիշտ ընդդիմությունը, որը՝ սխալ, «Իրավունք»-ը հետաքրքրվեց «Սահմանադրական իրավունք միություն» կուսակցության նախագահ ՀԱՅԿ ԲԱԲՈՒԽԱՆՅԱՆԻՑ։

— Նախ՝ ճիշտ եւ սխալ ընդդիմության մասին խոսելուց առաջ պետք է ապացուցել, որ խոսողն իրո՞ք գործնական եւ գաղափարական ընդդիմություն է։ Մենք առայժմ չենք տեսել ո՛չ գործնականը, ո՛չ գաղափարականը։

Իսկ իրականում ամենագաղափարական ընդդիմությունը մենք ենք՝ «Ուժեղ Հայաստան Ռուսաստանի հետ» շարժումը, ՍԻՄ կուսակցությունը՝ որպես այդ շարժման ստեղծողներից մեկը, որոնք գաղափարական, ծրագրային, աշխարհայացքային հարցերում իրական ընդդիմություն են Նիկոլ Փաշինյանի կառավարությանը, իր գաղափարախոսությանը եւ ծրագրերին։

Մնացածը դեռ պետք է ապացուցեն, որ ընդդիմություն են, առավել եւս պետք է ապացուցեն նրանք, ովքեր, ըստ էության, օգնում են Նիկոլ Փաշինյանին, նրա երազած ընդդիմությունն են, գաղափարական որեւէ տարբերություն չունեն նրա հետ եւ աշխատում են նրա մոտ՝ որպես ընդդիմություն։ Եվ ոչ միայն Նիկոլ Փաշինյանի մոտ ընդդիմություն են աշխատում, այլեւ ժամանակին նպաստել եւ աջակցել են նրա հեղաշրջմանը եւ իշխանության մեջ հաստատմանը։ 

ՀՐԱՆՏ ՍԱՐԱՖՅԱՆ

Այս թեմայով ԶԳՈՆ ԵՂԵՔ. Փոխվում են կարմայի կանոնները Կարապետյանը չի պարտվել, իսկ Փաշինյանը չի հաղթել. համբերե՛ք, ճտերն աշնանն են հաշվում. Կարապետյան Մի հատ կգուրգուրեն, կփայփայեն այդ ադրբեջանցուն, շարադրությունը կտան, հետը կտանի. Կարապետյան ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան Սամվել Շահրամանյանի հեռախոսի առգրավումը դատարանը ճանաչել է ոչ իրավաչափ և պարտավորեցրել է անհապաղ վերադարձնել այն