ՌԴ-ն կարող է խափանել Մասի Starlink-ն առանց արբանյակները ոչնչացնելու. Reuters

Ռուսաստանը կարող է խափանել Մասի Starlink-ի գործողությունները՝ նույնիսկ առանց արբանյակները ոչնչացնելու, հայտնում է Reuters-ը։

Ռուսական ռազմական արբանյակները վարժանքներ են իրականացնում, որոնք կարող են օգտագործվել խոշոր առևտրային արբանյակային համաստեղությունների, այդ թվում՝ Starlink-ի դեմ, գործակալությանը հայտնել է Գերմանիայի տիեզերական հրամանատարության հրամանատար, գեներալ-մայոր Միխայել Տրաուտը։

Նրա խոսքով՝ մայիսին չորս ռուսական ռազմական արբանյակներ մանևրել են ֆիննական ICEYE ընկերությանը պատկանող արբանյակի մոտ, որը հետախուզական պատկերներ է տրամադրում ԱՄՆ-ին և նրա դաշնակիցներին, այդ թվում՝ Ուկրաինային։

Starlink-ի գործողությունների խափանումը պարտադիր չէ, որ պահանջի արբանյակների խոցում։ Ռուսական արբանյակները կարող են խոչընդոտներ ստեղծել իրենց ուղեծրային հետագծերում՝ ստիպելով նրանց խուսափողական գործողություններ ձեռնարկել և վառելիք ծախսել։ Սա կարող է կրճատել արբանյակների կյանքի տևողությունը և վատթարացնել կապի որակը։

Տրաուտը կարծում է, որ Starlink-ի վրա ուղղակի հարձակումը լուրջ սրացում կլինի, բայց Մոսկվան կարող է դիմել արբանյակային ցանցի վրա ազդելու ավելի քիչ ակնհայտ միջոցների։

Այս թեմայով ՈՒՇԱԴՐՈՒԹՅՈՒՆ. Հոկտեմբերի 12-ը հենց այդ օրն է ԶԳՈՆ ԵՂԵՔ. Փոխվում են կարմայի կանոնները Ուսման վարձը կարող է ամբողջությամբ փոխհատուցվել․ ո՞ր ուսանողներն են օգտվելու այս հնարավորությունից և ի՞նչ պայմաններով Հայտնի փաստաբանը շտապ հայտարարությամբ է հանդես եկել Ի՞նչ կարող է անել Զելենսկին, երբ Թրամփը հայտարարեց, որ Ուկրաինային նոր նախագահ է պետք