Թոզ ու դումանը քաղաքը բռնել ա․ ԸՆԿԵՐ ՓԱՆՋՈՒՆԻ

ՀՌԵՏՈՐԱԿԱՆ ՀԱՐՑ

(ԱԴՐԲԵՋԱՆՑՈՒՆ` ՍՅՈՒՆԻՔԻ ՄԱՐԶԻ ԲՆԱԿՉԻ ՏԱՆԸ ՓԼԱՎ ՈՒՏԵԼՈՒ ԿԱՊԱԿՑՈՒԹՅԱՄԲ)

Բա էդ ինչի՞ նախկինների օրոք թուրք ասկյարը հայի տանը փլավ չէր ուտում։

**

ՆՄԱՆԸ ԶՆՄԱՆԻՆ ԳՏԱՆԻ

(ՆԻԿՈԼԻ ՔԱՎՈՐԻ ԿՈՂՄԻՑ ԱԺ-ՈՒՄ ԱՆԸՆԴՀԱՏ ԾԵԾԿՌՏՈՒՔ ԿԱԶՄԱԿԵՐՊԵԼՈՒ` ԱՆՆԱ ԳՐԻԳՈՐՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Ըստ քավորների համաշխարհային ասոցիացիայի, եթե նորմալ մարդկանց քավորը մարդ չի, այլ սրբություն ա, ապա Նիկոլի քավորը ո՛չ մարդ ա, ո՛չ սրբություն` մուտիլովչիկ ա։

**

ԿՏՈՐ ՄԸ ԵՐԿԻՆՔ

(ՆԻԿՈԼԸ՝ ՇԻՇ ԲՌՆՈՂԻՆ ՔՊ-ԻՑ ՀԵՌԱՑՆԵԼՈՒՑ ՀԵՏՈ)

ՔՊ համայնքը չուզեր, համայնքը զորավոր է։

**

ՄԱՅՐԵՆԻ ԼԵԶՈՒ, ՄԱՅՐԵՆԻ ԲԱՐԲԱՌ

(ՌՈՒԲԵՆ ՌՈՒԲԻՆՅԱՆԻ` ՍԱՄՎԵԼ ԿԱՐԱՊԵՏՅԱՆԻՆ ՈՒՂՂՎԱԾ ՄԻԱՍԻՆ ՇԱՐԱԴՐՈՒԹՅՈՒՆ ԳՐԵԼՈՒ ԿՈՉԻ ԿԱՊԱԿՑՈՒԹՅԱՄԲ)

Լեզվի պետական տեսչությունից հայտնում են, որ այդ նախաձեռնությունը կյանքի կոչելու դեպքում երկուսն էլ կպարտվեն, քանի որ մեկը թուրքերեն կգրի, մյուսը` կալուգերեն։

 **

ԱՍԱՑՎԱԾՔԻՆ ՀՆԱԶԱՆԴ

(ԱԺ-ՈՒՄ ՏԵՂԻ ՈՒՆԵՑԱԾ ՔԱՇՔՇՈՑՈՒ ԿԱՊԱԿՑՈՒԹՅԱՄԲ)

Նիկոլական ռեժիմը Հայաստանում փորձում է իրավիճակը հանգստացնել «Հաց ու թամաշա» ասացվածքի տրամաբանությամբ, սակայն մի տարբերությամբ` Հայաստանում հացը թանկանում ա, թամաշան` շատանում։

**

ԱԺ ՇԱՊԻՏՈ ԿԼՈՈՒՆԱԴԱ

Ըստ քաղտեխնոլոգների` «ՏԱՇԻՐ»-ականները ցիրկի տոմսերը էժանացնելու փոխարեն ԱԺ-ն են դարձրել  անվճար ցիրկ։

**

ՀԻՆ ՈՒ ՆՈՐ ԲԱՐՔԵՐ

Ըստ քաղաքական վերլուծաբանների` «Ուժեղ Հայաստան» խմբակցության ներկայիս մակարդակը նույն ՔՊ-ի մակարդակն է, ուղղակի 2018-ի ռազլիվի։

**

ԱՆՎՃԱՐ ԱՌՈՂՋԱՊԱՀՈՒԹՅԱՆ ԱՌԱՎԵԼՈՒԹՅՈՒՆՆԵՐԸ

Ըստ առողջապահության նախարար Անահիտ Ավանեսյանի` այն, որ ադրբեջանցի սահմանակցին արտահանձնելու ենք, երկրորդ կարծիք մենք չունենք, բայց մի լավ կբուժենք պետության հաշվին, կկազդուրվի, նոր կուղարկենք հետ բարեկամ Ադրբեջանին։

**

ՆԻԿՈԼԸ` ԹՈՒՄԱՆՅԱՆԱԲԱՐ

Օրհնվի էն սհաթը, որ ադրբեջանցի սահմանախախտ զինվորի ոտքը մտավ Հայաստան։