Բառիս բուն իմաստով, գոյատեվում ենք, չենք ապրում․ Կարին Տոնոյան

Արցախի հերոս Մենուա Հովհաննիսյանի մոր՝ «Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն ԿԱՐԻՆ ՏՈՆՈՅԱՆԻ գնահատմամբ` երբ մի հանրության անընդհատ ստում են, անընդհատ ցավի մեջ են պահում եւ կերակրում սին հույսերով, այն կորցնում է ընդհանրապես դիմադրելու ունակությունը: Իսկ դրանից հետո առաջանում է հիասթափություն, որն էլ իր հերթին բերում է անկարողության զգացողության, ինչով եւ հասարակությունը շարունակում է գոյատեւել։

— Բառիս բուն իմաստով, մենք հիմա գոյատեւում ենք, մենք չենք ապրում։ Մենք հիմա բոլորս ինչ-որ հրաշքի ենք սպասում կամ էլ մտածում. դե լավ, միեւնույնն է, ոչինչ չենք կարող անել։ Սա երկար տարիների թույլ հասարակություն դաստիարակելու արդյունքն է։ Սա վերջին 8 տարվա պտուղները չեն։ Այդ արմատները, ցավոք, ավելի խորն են:

Մեծ ցավ է, երբ ազգային կրթություն չկերտեցին, երբ մեր կրթությունը եղավ ինչ-որ անհասկանալի կարկատանային եւ ոչ թե հստակ սահմանված ազգային հասարակություն կերտելու կրթություն: Մենք հիմա վայելում ենք այդ կրթության հետեւանքները:

Ցանկացած հասարակություն կրթությամբ է ձեւավորվում։ Իսկ սա կարկատանային կրթության հետեւանքն է: Ու հիմա, եթե մեր հասարակության ընդհանուր պատկերը տանք, դա էլ է կարկատանային՝ տարբեր գույնի ու որակի խավեր կան այսօր հասարակության մեջ, եւ մի տեսակ շերտավորում կա, ինչպես կարկատած հագուստը: Ինչ ծրագիր ասեք, կրթական համակարգի վրա կիրառեցին, հետեւաբար, եւ ստացել ենք դրա հետեւանքը, այսօր զարմանալի ոչինչ չկա։

ՆԱՆԱ ՍԱՐԳՍՅԱՆ

Այս թեմայով Նրանք անգամ արժանի չեն տեսնելու այն, ինչը մենք ենք տեսնում. իրենց տեսածը սարսափելի է լինելու․ Տոնոյան Դուք անառակ եք, անբարո, անսիրտ, անպատիվ ծախու կենդանիներ․ Կարին Տոնոյան Դավիթ Տոնոյանի նոր «դասերը» եւ հին հարցերը Տիգրանաշենի հարցին լուծում կտրվի բանակցությամբ, փոխանակման հարց չկա, ճիշտ որոշում պետք է կայացվի․ Դավիթ Տոնոյան Տոնոյանը՝ Պապիկյանի մասին․ «Նախարարի հրաժարականի հանրային պահանջ կա, քաղաքական որոշում է պետք»