Ուկրաինան անօդաչուներով հարվածներ է հասցրել Զապորոժիեի ատոմակայանին. կան զոհեր

Ուկրաինական անօդաչու թռչող սարքերը հարվածներ են հասցրել Զապորոժիեի ատոմակայանի էներգաբլոկների անմիջական հարևանությամբ, հայտնել է ատոմակայանի մամուլի ծառայությունը։

«Ատոմակայանի տարածքը ենթարկվել է Ուկրաինայի զինված ուժերի երկու ԱԹՍ-ների հարձակմանը։ Շենքը գտնվում է №4 և №5 էներգաբլոկներից մոտ 200 մետր հեռավորության վրա», — ասվում է «Մաքս» հարթակում հրապարակված հաղորդագրության մեջ։

Մամուլի ծառայությունից հավելել են, որ հակառակորդը երկու անգամ փորձել է հարվածել ռադիոակտիվ թափոնների վերամշակման շենքին։ Տուժածներ չկան, միջուկային անվտանգության համար սպառնալիք չկա։ Ատոմակայանի տարածքում ճառագայթային ֆոնը նորմայի սահմաններում է։

Իր հերթին «Ռոսատոմ»-ի գլխավոր տնօրեն Ալեքսեյ Լիխաչովը հայտարարել է, որ վերջին երկու շաբաթվա ընթացքում ուկրաինական զինված ուժերը ուժեղացրել են հարվածները Զապորոժիեի ՋԷԿ-ի ուղղությամբ, որից կախված է ատոմակայանի անվտանգությունը։

Բացի այդ, նա հայտնել է, որ կիրակի գիշերը Ուկրաինայի զինված ուժերը հարձակվել են կայանի աշխատակիցների համար սնունդ տեղափոխող մեքենայի վրա։ Վարորդը՝ կայանի աշխատակիցը, զոհվել է։