Հարսանիքի մասնակիցը մեքենայից կրակոցներ է արձակել. հայտնի է նրա ինքնությունը

Հոկտեմբերի 1-ին Մասիս քաղաքում ծառայություն իրականացնող պարեկները ստացել են տեղեկություն, որ հարսանեկան արարողության մեկնող շարասյան մեջ «Ֆորդ Մուստանգ» մակնիշի մեքենայի վարորդը կրակոցներ է արձակել։

Ժամը 13․30-ի սահմաններում Հայանիստ գյուղում պարեկները կանգնեցրել են հիշյալ մեքենան։ Խուլիգանություն կատարելու կասկածանքով վարորդը ձերբակալվել ու ներկայացվել է Համայնքային ոստիկանության Մասիսի բաժին, իսկ մեքենան կնիքվել է պահպանվող հատուկ տարածքում։

Մասիս քաղաքի բնակիչ 21-ամյա վարորդն ընդունել է, որ ինքն է կրակել մեկնարկային ատրճանակով, որը մեքենայի մեջ է։

Մասիսի քննչական բաժնում նախաձեռնվել է քրեական վարույթ խուլիգանության հատկանիշներով։

Հանգամանքները պարզվում են։

Այս թեմայով Դուրս է եկել լվացք փռելու ու հայտնվել է հարևանի տանը Կրկեսի» խաչմերուկում ուժեղ քամու հետևանքով հաստաբուն ծառը արմատից պոկվել և ամբողջությամբ փակել է ճանապարհը Երևանում՝ 67 համարի ավտոբուսում, տղամարդ է մահացել Ոստիկաները Էջմիածնում կանխել են մի խումբ անձանց , այդ թվում՝ անչափահասների կողմից նախապատրատվող վրեժխնդրութունը Արտակարգ դեպք բարի ավարտով