Ռուսաստանը սպասում է Հայաստանի պատասխանին երկաթուղու երկու հատվածների վերականգնման վերաբերյալ

Ռուսաստանը Հայաստանից արձագանք է ակնկալում հայկական երկաթուղու երկու հատվածների՝ Երասխից մինչև Նախիջևանի սահման և Գյումրիից մինչև Թուրքիայի սահման, վերականգնման վերաբերյալ առաջարկին: ՏԱՍՍ-ի փոխանցմամբ այս մասին լրագրողներին հայտարարել է ՌԴ փոխվարչապետը։

«Մենք աջակցում ենք այդ հատվածների վերականգնմանը և պատրաստ ենք մասնակցել ու աջակցել Հայաստանին՝ Երասխից մինչև Նախիջևան և Գյումրիից մինչև Թուրքիայի սահման տրանսպորտային կապն ապահովելու նպատակով», – ասել է Ալեքսեյ Օվերչուկը՝ պնդելով, թե այդ մասին որոշումները Ռուսաստանում նախագահի մակարդակով ընդունվել են դեռևս հունվարին:

«Մենք սպասում ենք, թե հայկական կողմն ինչպես կարձագանքի դրան։ Կարծում եմ՝ մոտ ժամանակներս շատ կարևոր հանդիպումներ կկայանան, որոնք թույլ կտան այս հարցն առաջ մղել», – նշել է ՌԴ փոխվարչապետը։

Փոխվարչապետը նաև ընդգծեց, որ Ռուսաստանը միշտ աջակցել է Հարավային Կովկասում տրանսպորտային կապի ամրապնդման և տրանսպորտային հաղորդակցությունների ապաշրջափակման նախագծերին։

Այս թեմայով ՌԴ-ն հույս ունի, որ Հայաստանը կշարունակի կառուցողական աշխատանքը ԵԱՏՄ-ում. Օվերչուկ Ռուսաստանը հույս ունի, որ Հայաստանը կշարունակի կառուցողական աշխատանքը ԵԱՏՄ-ում․ Օվերչուկ Ստիպված ենք պաշտպանել մեր շուկան, առաջարկում ենք Հայաստանին համատեղ աշխատել․ Օվերչուկ Ռուսաստանը որևէ պատճառ չի տեսնում Հայկական երկաթուղու իր կոնցեսիան որևէ մեկին հանձնելու համար. Օվերչուկ Ռուսաստանը փորձում է Հայաստանին հասկացնել, որ ԵՄ-ն փաստացի դարձել է ռազմական միավորում. Օվերչուկ