Ռուսաստանը հույս ունի, որ Հայաստանը կշարունակի կառուցողական աշխատանքը ԵԱՏՄ-ում․ Օվերչուկ

Ռուսաստանը հույս ունի, որ Հայաստանը կշարունակի կառուցողական աշխատանքը Եվրասիական տնտեսական միությունում (ԵԱՏՄ)։ Այս մասին «Վեստի» տեղեկատվական գործակալության լրագրող Մարինա Գրոմովային տված հարցազրույցում հայտարարել է ՌԴ փոխվարչապետ Ալեքսեյ Օվերչուկը։

Նա պատասխանել է Հայաստանի՝ ԵԱՏՄ-ում իր աշխատանքը շարունակելու վերաբերյալ հարցին։

«Մենք, անշուշտ, ձգտում ենք դրան և Հայաստանը տեսնում ենք որպես Եվրասիական տնտեսական միության անդամ։ Եվ այն ավելի քան 10 տարիների ընթացքում, ինչ Հայաստանը հանդիսանում է միության անդամ, այդ երկրի ՀՆԱ-ն աճել է գրեթե երեք անգամ։ Մեկ շնչին բաժին ընկնող եկամուտները, համապատասխանաբար՝ նաև մեկ շնչին բաժին ընկնող ՀՆԱ-ն, նույնպես եռապատկվել են։

Մեր առևտրաշրջանառությունը 2024 թվականի պիկային տարում հասել է 12,4 միլիարդ դոլարի, այն դեպքում, երբ այդ ժամանակահատվածում Հայաստանի ՀՆԱ-ն կազմում էր մոտավորապես 26-27 միլիարդ դոլար։

Եվ մենք, իհարկե, շատ ենք հույս ունենում, որ Հայաստանը կշարունակի կառուցողական աշխատանքը Եվրասիական տնտեսական միության մյուս անդամ պետությունների հետ»։

Այս թեմայով ՌԴ-ն հույս ունի, որ Հայաստանը կշարունակի կառուցողական աշխատանքը ԵԱՏՄ-ում. Օվերչուկ Ռուսաստանը սպասում է Հայաստանի պատասխանին երկաթուղու երկու հատվածների վերականգնման վերաբերյալ Ստիպված ենք պաշտպանել մեր շուկան, առաջարկում ենք Հայաստանին համատեղ աշխատել․ Օվերչուկ Ռուսաստանը որևէ պատճառ չի տեսնում Հայկական երկաթուղու իր կոնցեսիան որևէ մեկին հանձնելու համար. Օվերչուկ Ռուսաստանը փորձում է Հայաստանին հասկացնել, որ ԵՄ-ն փաստացի դարձել է ռազմական միավորում. Օվերչուկ