Ռուսաստանն արտաքսել է հունգարացի մի շարք դիվանագետների

Ռուսաստանում Հունգարիայի գործերի ժամանակավոր հավատարմատար Գաբոր Գերգիչը կանչվել է ՌԴ արտաքին գործերի նախարարություն, որտեղ նրան տեղեկացրել են, որ որպես պատասխան միջոց՝ Մոսկվայում Հունգարիայի դեսպանության, ինչպես նաև Սանկտ Պետերբուրգում և Կազանում Հունգարիայի գլխավոր հյուպատոսությունների մի խումբ աշխատակիցներ պետք է հեռանան Ռուսաստանի տարածքից։

«Արմենպրես»-ի փոխանցմամբ՝ այս մասին ասվում է Ռուսաստանի արտաքին գործերի նախարարության հաղորդագրության մեջ։

ՌԴ ԱԳՆ-ում նշել են, որ դիվանագիտական ​​ներկայացուցչության ղեկավարին հայտարարվել է վճռական բողոք Հունգարիայի իշխանությունների 2026 թ․ սեպտեմբերի 8-ի «անհիմն և բացահայտ ոչ բարեկամական» պահանջի կապակցությամբ, որ մի շարք ռուսաստանցի դիվանագետներ հեռանան երկրի տարածքից։

«Հունգարացի դիվանագետն իրազեկված է, որ որպես պատասխան միջոց Մոսկվայում Հունգարիայի դեսպանության, Սանկտ Պետերբուրգում և Կազանում Հունգարիայի գլխավոր հյուպատոսությունների մի խումբ աշխատակիցներ պետք է երկշաբաթայա ժամկետում հեռանան Ռուսաստանի Դաշնության տարածքից», – հայտնել են դիվանագիտական գերատեսչությունում:

Այս թեմայով ՌԴ ԱԳՆ-ից կասկածի տակ են դրել Հայաստանին ԵՄ աջակցության խոստումները «Ժողովուրդ». ԱԳՆ-ում զարմանք է առաջացրել նախարարի մամուլի քարտուղարին բարձր դիվանագիտական աստիճանի շնորհումը «Ժողովուրդ». ԱԳՆ մամուլի խոսնակին բարձրագույն դիվանագիտական աստիճան է շնորհվել. Սա է հայաստանյան դիվանագիտությունը ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Սպասվում է ԱՄՆ պետքարտուղարի և ՌԴ ԱԳ նախարարի հանդիպումը