Երկու ֆուտբոլիստ դուրս է մնացել Հայաստանի հավաքականի հայտացուցակից

ՈւԵՖԱ-ի Ազգերի լիգայի խաղարկության առաջիկա հանդիպմանն ընդառաջ՝ երկու ֆուտբոլիստ դուրս է մնացել Հայաստանի ազգային հավաքականի հայտացուցակից։ Այս մասին տեղեկանում ենք armsport.am կայքից։

Մասնավորապես, ազգային ընտրանու կազմում չեն ընդգրկվել Երևանի «Արարատ-Արմենիայի» կիսապաշտպան Ժիրայր Շաղոյանն ու սերբական «ԻՄՏ Բելգրադ» ակումբի դարպասապահ Օգնյեն Չանչարևիչը։ Այս ֆուտբոլիստները դուրս են մնացել թիմի վերջնական ցուցակից և հավաքականի հետ չեն մեկնել մրցավայր։

Ավելի վաղ հավաքականի հայտացուցակից վնասվածքի պատճառով դուրս էր մնացել նաև «Արարատ-Արմենիայի» պաշտպան Խուլիո Բուենոն։

Հիշեցնենք, որ Եղիշե Մելիքյանի գլխավորած ազգային հավաքականն արդեն գտնվում է Նիկոսիայում, որտեղ հոկտեմբերի 2-ին «GSP» մարզադաշտում կմրցի Կիպրոսի հավաքականի հետ։

Ազգերի լիգայի C2 խմբի երրորդ տուրի Կիպրոս — Հայաստան հանդիպումը կմեկնարկի Երևանի ժամանակով 20:00-ին։

Այս թեմայով Հաջորդ տարի Հայաստանի ռազմական բյուջեն կավելանա «Ժողովուրդ». Փաշինյանը «բլոտ»-ում պարտվել է, դուրս եկել խաղից CSI-ն Հայաստանի իշխանություններին կոչ է անում հարգել Եկեղեցու ինքնավարությունը Ռուսաստանում Հայաստանի դեսպանությունը ժամանակավորապես կդադարեցնի անձնագրերի տրամադրման ծառայությունը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին