ՈՒ ՆՈՐԻՑ ՄԻԱՅՆ ՏԱՓԱԿ ԱՐԴԱՐԱՑՈՒՄՆԵՐ

Սեպտեմբերի 28-ին Երևանի «Վազգեն Սարգսյանի» անվան Հանրապետական ստադիոնում Ֆուտբոլի Հայաստանի ազգային հավաքականը Ազգերի լիգայի C2 խմբի երկրորդ տուրի խաղում ընդունեց Չեռնոգորիայի թիմին։

Եղիշե Մելիքյանի գլխավորած թիմը, բնականաբար պարտվեց 2։3 հաշվով։ Նշենք, որ մինչ այս խաղը, Հայաստանի հավաքականը զարմանալիորեն 2։0 հաշվով հաղթել էր Լատվիայի թիմին, թեև այս հավաքականը ևս իրենից առանձնապես բան չի ներկայացնում։

Հայաստան - Չեռնոգորիա խաղի ավարտից հետո, Հայաստանի հավաքականի ֆուտբոլիստ ԱՐԹՈՒՐ ՍԵՐՈԲՅԱՆԸ այսպես է մեկնաբանել.

«Շատ տխուր ենք, քանի որ պարտվել ենք, բայց կարծում եմ, որ արժանի չէինք պարտության։ Սա ֆուտբոլ է, պետք է դասեր քաղենք ու առաջ շարժվենք»։ Բայց եթե ամեն խաղից հետո խոսում են «դասեր քաղելուց» ինչու այդպես էլ չեն քաղում։ Հավաքականի գլխավոր մարզիչ ԵՂԻՇԵ ՄԵԼԻՔՅԱՆՆ էլ այս մեկնաբանությունն է տվել.

«Դժգոհ եմ մրցավարությունից, Փիլոյանի առաջին գոլը խախտում էր, սակայն չեմ ուզում դրա մասին խոսել, քննարկել։ Ինչ կարող եմ ասել խաղի մասին, ունեինք պլան A և պլան B։ Առաջին խաղակեսում աշխատեցինք պլան A-ով։ Ընդմիջմանը տակտիկապես փոփոխություն կատարեցի, խաղացողների փոփոխություն եղավ նաև։ Մենք ունեցանք առավելություն, ճնշում։ Ափսոսում եմ, որ չկարողացանք արդյունքի հասնել, որի համար ներողություն եմ խնդրում։

Շնորհակալություն եմ հայտնում մեր երկրպագուներին իրենց աջակցության համար, շատ օգնեցին մեզ։ Շատ տխուր ենք մենք, հանդերձարանում շատ տխուր էինք։ Իմացեք, որ այս թիմն ապագա ունի, այս թիմը լավ կազմ ունի և պայքարելու է ու շարունակելու է։ Տղաների մոտ նվիրվածություն տեսա, որը մեզ կտանի առաջ։ Անհատական պահերում սխալներ թույլ տվեցին, որի համար պատժվեցինք։ Ընդհանուր առմամբ, տղաներից շատ գոհ եմ։ Ամեն ինչ կանեմ, որ ճնշում չլինի իրենց վրա։ Այդ ամենը կվերցնեմ ինձ վրա։ Այս թիմն ունի ապագա, ես հավատում եմ...»։

Մի խոսքով, արդարացումների պակաս չկա, մրցավարներն են մեղավոր, բախտներս չբերեց, թուղթ ու գիր են արել և այդպես շարունակ։

Ամենակարևոր բանը, սակայն այդպես էլ չի ասվում. հավաքական, որպես այդպիսին չունենք։ Կան որոշ լավ խաղացողներ, ու վերջ։ Ավելի կոնկրետ, ֆուտբոլ, որպես այդպիսին, չունենք։ Արդյունքում, ինչպես Նիկոլի պահած երկիրն է, այնպես էլ Նիկոլի դրածոյի պահած ֆուտբոլը։

ՀՈՎՀԱՆՆԵՍ ՍԱՐԳՍՅԱՆ

Այս թեմայով ՀԱՅ ՁՅՈՒԴՈՅԻՍՏԸ ՄԻՋԱԶԳԱՅԻՆ ՄՐՑԱՇԱՐԻ ԲՐՈՆԶԵ ՄԵԴԱԼԱԿԻՐ Համլետ Մանուկյանը ոսկե մեդալ է նվաճել Ֆրանսիայում «ՀԻՄՆԱԿԱՆ ՇԵՇՏԸ ԴՐՎԱԾ ԷՐ ԱՇԽԱՐՀԻ ԱՌԱՋՆՈՒԹՅԱՆԸ ՆԱԽԱՊԱՏՐԱՍՏՎԵԼՈՒՄ». ԱԶԱՏ ՈՃԻ ԱՆՎԱՆԻ ԸՄԲԻՇ, ՄԵԾԱՀ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՎԱԶԳԵՆ ԹԵՎԱՆՅԱՆ Մերոնք աշխարհի ուժեղագույնների թվում են. Հարությունյան Որոշ ֆուտբոլիստներից հիասթափվելու հարցում լիովին համամիտ եմ Մելիքյանի հետ. Յուրա Մովսիսյան