ԱՀԱԶԱՆԳ․ «Renshin»-ի շինարարական փոշին խեղդում է Բաղրամյան պողոտայի բնակիչներին

Երևանի Բաղրամյան պողոտայի բնակիչները շարունակում են ահազանգել՝  «Renshin» շինարարական ընկերության կողմից՝ Բաղրամյան  -  Օրբելի խաչմերուկում  կառուցվող Skyline թաղամասից  ամեն օր բառի բուն իմաստով հորդող շինարարական փոշու վտանգավորության մասին։ Վերջիններս ահազանգում են, որ տարածքում ընթացող աշխատանքների հետևանքով օդը խիստ աղտոտված է, և իրենք ստիպված են ամեն օր շնչել շինարարական փոշին։

Բնակիչները պատկան մարմիններից ակնկալում են շուտափույթ լուծում և պատշաճ վերահսկողություն՝ սահմանված բնապահպանական ու քաղաքաշինական նորմերը պահպանելու համար։

Ժամանակին՝ Երեւանի քաղաքապետ Տիգրան Ավինյանը ասում էր՝ ասեք՝ կանենք, հիմա ասում ենք, պաշտոնապես պահանջում ենք՝ «Renshin» -ին օրենքի դաշտ բերեք պարոն քաղաքապետ,  թույլ մի տվեք թունավորել առանց այն էլ աղտոտված մայրաքաղաքի օդը ու բնակչությանը։