Վրաստանը սկսել է Ռուսաստանից ավելի շատ խոզ ներկրել

Վրաստանի ազգային վիճակագրական ծառայության տվյալներով՝ օգոստոսին Ռուսաստանից Վրաստան խոզի մսի մատակարարումները նախորդ տարվա նույն ժամանակահատվածի համեմատ աճել են 4,7 անգամ, իսկ նախորդ ամսվա համեմատ 1,5 անգամ՝ հասնելով 906 հազար դոլարի։ Սա տարեսկզբից ի վեր գրանցված ամենաբարձր ցուցանիշն է։ Այս մասին հայտնում է «Սպուտնիկ Գրուզիա»-ն։

Այնուամենայնիվ, տարվա առաջին ութ ամիսների ընթացքում Վրաստանի կողմից ռուսական խոզի մսի ներկրումը նվազել է 45%-ով՝ կազմելով 4,85 միլիոն դոլար։

Վրաստան խոզի միս մատակարարողների շարքում Ռուսաստանը երկրորդ տեղում է։ Առաջին տեղում Բրազիլիան է՝ 5,4 միլիոն դոլար ցուցանիշով։ Խոզի միս է ներկրվել նաև Իսպանիայից (182 հազար դոլար), Գերմանիայից (85 հազար դոլար) և Արգենտինայից (44 հազար դոլար)։

Բացի այդ, օգոստոսին Վրաստանը Ռուսաստանից ներկրել է թռչնամիս և թռչնամթերք՝ ընդհանուր 241 000 դոլար արժողությամբ, ինչը ամենաբարձր ցուցանիշն է անցյալ տարվա նոյեմբերից ի վեր։ Ութ ամսվա ընթացքում թռչնամսի ներկրման ընդհանուր ծավալը կազմել է 1,2 միլիոն դոլար (նվազումը՝ 8%)։

Այս թեմայով Ադրբեջանի և Վրաստանի տարածքով տարանցմամբ Հայաստան կիրականացվի հերթական մատակարարումը Վրաստանը Հայաստան է արտահանել 1,6 մլն դոլարի հացաբուլկեղեն Հայաստանյան ծաղիկների ներմուծումը Վրաստան աճել է՝ Ռուսաստանի շուկայի փակվելուց հետո Վրաստանում հերքել են Լարսով ռեկորդային հոսքի մասին տեղեկությունները Վրաստանը ցանկանում է ամրապնդել կապերը Ադրբեջանի և Թուրքիայի հետ