Միջազգային խոշոր բանկերում ունեցած պարտքի դիմաց ՀԷՑ-ի 100 տոկոս բաժնետոմսերը գրավադրված են մինչ օրս․ Պետրոսյան

ՀՀ տարածքային կառավարման և ենթակառուցվածքների նախարարությունում տեղի է ունեցել «Հայաստանի էլեկտրական ցանցեր» ՓԲԸ-ի 100 տոկոս բաժնետոմսերի նկատմամբ հանրային գերակա շահ ճանաչելու մասին ՀՀ կառավարության որոշման նախագծի երկրորդ հանրային լսումը, որը վարել է ՏԿԵ նախարար Դավիթ Խուդաթյանը:

«Հանրային լսմանը ներկա էին ՀԷՑ ժամանակավոր կառավարիչ Ռոմանոս Պետրոսյանը, Հանրային ծառայությունները կարգավորող հանձնաժողովի անդամ Սերգեյ Աղինյանը, ինչպես նաև էներգետիկ համակարգի ներկայացուցիչներ:

ՏԿԵ նախարար Դավիթ Խուդաթյանը ներկայացրել է նախագծի բովանդակությունը: Նախարարն ընդգծել է, որ ընկերությունը «Էներգետիկայի մասին» ՀՀ օրենքի 52-րդ հոդվածի 3-րդ մասով սահմանված՝ Կառավարության հետ համաձայնեցված կարգով ընկերության բաժնետոմսերը օտարելու եռամսյա ժամկետի ընթացքում չի իրացրել գույքը կամավոր տնօրինելու օրենքով նախատեսված իր իրավունքը: Հանրային լսումներին չմասնակցելը միայն փաստում է այն մասին, որ օրվա սեփականատերերը ևս հասկացել են այս գործընթացի ամուր իրավական հիմքերը:

Անդրադառնալով պետականացման գործընթացին՝ ՀԷՑ ժամանակավոր կառավարիչ Ռոմանոս Պետրոսյանը նշել է, որ ՀԷՑ-ի կառավարումը ստանձնելու պահին ընկերությունն ունեցել է ավելի քան 400 միլիոն ԱՄՆ դոլար ֆինանսական պարտավորություններ, այդ թվում՝ ավելի քան 120 միլիոն ԱՄՆ դոլար՝ միջազգային խոշոր բանկերում, որի դիմաց ՀԷՑ-ի 100 տոկոս բաժնետոմսերը գրավադրված են մինչ օրս: Վերջին մեկ տարվա ժամանակավոր կառավարման շրջանում մարվել են ավելի քան 60 միլիոն ԱՄՆ դոլարի վարկային պարտավորություններ, այդ թվում՝ վաղաժամկետ: Ներկա պահին ՀԷՑ-ի ֆինանսատնտեսական վիճակը գնահատվում է կայուն և հեռանկարային: Պետական սեփականություն դառնալուց հետո՝ որպես պետական փակ բաժնետիրական ընկերություն՝ ՀԷՑ-ը հավանաբար կգործի ՏԿԵ նախարարության ենթակայության ներքո, իսկ հետագա կառավարման ձևի հետ կապված որոշումները կբխեն բացառապես ՀՀ պետական շահից:

Հանրային լսումներից հետո Կառավարության որոշման նախագիծը կանցնի պետական և իրավական փորձաքննություն, ապա կներկայացվի ՀՀ վարչապետի աշխատակազմ: Հանրության գերակա շահի ապահովման նպատակով կնախաձեռնվի ընկերության բաժնետոմսերի օտարման գործընթաց, որի ընթացքում կիրականացվի բաժնետոմսերի շուկայական արժեքի գնահատում, և վերջնական արժեքի որոշումից հետո սեփականատերերին փոխհատուցում կտրամադրվի՝ օրենքով սահմանված կարգով։

Այս թեմայով Արցախում 2020-ից մինչ օրս 7-ից ավելի եկեղեցիներ են հիմնովին ոչնչացվել, 10 գյուղ գոյություն չունի Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Նեթանյահուն ցանկանում է Էրդողանի դեմ մեղադրանքներ առաջադրել Միջազգային քրեական դատարանում Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ) Երևանում մեկնարկում է «ՀԱՅ ՖԵՍՏ» 24-րդ կատարողական արվեստների միջազգային փառատոնը