Դժբախտ պատահարի հետևանքով մահացած 14 ղազախ զինծառայողի դեպքից հետո պաշտոնանկ է արվել Ղազախստանի ՊՆ նախարարը

Ղազախստանի նախագահ Կասիմ-Ժոմարտ Տոկաևը ազատել է Դաուրեն Կոսանովին հանրապետության պաշտպանության նախարարի պաշտոնից։

Համապատասխան հրամանագիրը հրապարակվել է նախագահի մամուլի ծառայության կողմից:

Կոսանովը եղել է կործանիչի օդաչու, Տալդիկորգանում և Շիմքենտում ավիաբազաների հրամանատար, այնուհետև գլխավորել է Ղազախստանի Ռազմաօդային ուժերը և Օդային պաշտպանության ուժերի Ռազմական ինստիտուտը։ 2022 թվականի դեկտեմբերին նա դարձել է Ղազախստանի Զինված ուժերի Օդային պաշտպանության ուժերի գլխավոր հրամանատարը։

2024 թվականի սեպտեմբերին Կոսանովը նշանակվել է պաշտպանության նախարարի տեղակալ -Օդային պաշտպանության ուժերի գլխավոր հրամանատար, իսկ 2025 թվականի հունիսի 8-ին Տոկաևի հրամանագրով գլխավորել է Պաշտպանության նախարարությունը։ 2024 թվականին նրան շնորհվել է ավիացիայի գեներալ-լեյտենանտի զինվորական կոչում։

Պաշտոնանկությունը տեղի է ունեցել ողբերգությունից հետո, որը տեղի էր ունեցել սեպտեմբերի 24-ին Մանգիստաուի մարզում ռազմածովային զորավարժությունների ժամանակ։

Զինծառայողները Կասպից ծովի ափին կատարում էին ուսումնական-մարտական առաջադրանքներ, երբ եղանակը կտրուկ վատացել էր և քամին ուժգնացել։ Սկզբում հաղորդվում էր, որ ծովը տարել է 19 զինծառայողի, ավելի ուշ իշխանությունները անհետ կորածների թիվը ճշտել են մինչև 17 մարդ։

Սեպտեմբերի 25-ի դրությամբ հայտնաբերվել էին 14 զինծառայողի մարմիններ։ Երեք զինվորականների հաջողվել է փրկվել։ Նույն օրը Ղազախստանի պաշտպանության նախարարությունը հայտնել էր որոնողափրկարարական գործողության ավարտի մասին։

Ողբերգության հանգամանքները հետաքննելու համար ստեղծվել է կառավարական հանձնաժողով՝ փոխվարչապետ Կանատ Բոզումբաևի գլխավորությամբ։ Գլխավոր դատախազությունը նույնպես սկսել է մինչդատական հետաքննություն։

Նախագահ Տոկաևը ցավակցություն է հայտնել զոհվածների ընտանիքներին և սեպտեմբերի 25-ը Ղազախստանում հայտարարել է ազգային սգո օր։

Այս թեմայով Օրենքով գող «Զապի» փեսան փորձել է սպանել նրան. նոր սարսափազդու մանրամասներ՝ աղմկահարույց դեպքից 6 տարի առաջ այս օրը ընկան հազարավոր ՏՂԱՆԵՐ Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո «Ժողովուրդ». Հերթական մահացած զինծառայողի գործով քննվում են մի քանի վարկածներ Պայթյունի հետևանքով պայմանագրային զինծառայող է մահացել