«Եվրոպան խուճապի մեջ է՝ տեսնելով Ուկրաինայի մոտալուտ պարտությունը». ԿՀՎ-ի նախկին բարձրաստիճան պաշտոնյա

ԿՀՎ-ի` Ռուսաստանի ուղղությամբ վերլուծության բաժնի նախկին տնօրենի խոսքով՝ «Եվրոպան խուճապի մեջ է՝ տեսնելով Ուկրաինայի մոտալուտ պարտությունը»։ Ըստ նրա, Արևմուտքը փորձեց բոլորին համոզել, որ Ռուսաստանը պարտվում է Ուկրաինայում, բայց հակառակի հետ բախվելով՝ այլընտրանք չգտավ, քան ռուսների հետ պատերազմի պատրաստվելու կոչերը։

ԿՀՎ-ի նախկին տնօրենը՝  Ջորջ Բիբին, ով ներկայումս ԱՄՆ-ի Քվինսի ինստիտուտի Մեծ ռազմավարության տնօրեն, պատասխանելով Եվրոպայում Ռուսաստանի հետ ենթադրաբար մոտալուտ պատերազմի շուրջ բարձրացած հիստերիայի պատճառների մասին հարցին, նշել է, որ «տեղի ունեցողը այդքան էլ իմաստ չունի»։

«Մասամբ կարծում եմ, որ դա խուճապ է Ուկրաինայում պատերազմի զարգացումների պատճառով։ Արևմտյան շատ առաջնորդներ, արևմտյան շատ լրատվամիջոցներ փորձել են բոլորին համոզել, որ ռուսները պարտվում են և, ի վերջո, կպարտվեն և կկրեն ռազմավարական պարտություն։ Պատերազմի իրադարձությունները ինքնին ավելի ու ավելի են ցույց տալիս, որ այս կարծիքը սխալ է։ Փաստորեն, ուկրաինացիները մարտադաշտում ավելի ու ավելի մեծ ճնշման տակ են՝ թե՛ ցամաքում, թե՛, ավելի կարևորը՝ օդում։

Կարծում եմ՝ արևմտյան առաջնորդները սկսում են խուճապի մատնվել։ Նախ, նրանք խուճապի են մատնվում Ուկրաինայի պարտության հնարավոր հետևանքներից։

Երկրորդ, նրանք սկսում են քաղաքականապես խուճապի մատնվել, քանի որ Ռուսաստանի և եվրոպական անվտանգության նկատմամբ նրանց տարիներ շարունակ որդեգրած ուղին ձախողվել է։ Եվ ես չեմ կարծում, որ նրանք ցանկանում են պատասխանատվություն կրել այս ձախողման համար», - կարծում է Բիբին։

Այս ձախողման մի մասը, նրա կարծիքով, դրսևորվում է Գերմանիայի ընտրություններում։ «Շատ գերմանացիներ դժգոհ են կառավարության քաղաքականությունից Ռուսաստանի և Ուկրաինայի, եվրոպական անվտանգության և դրանց հետ կապված հարցերի նկատմամբ։ Կարծում եմ՝ այս միտումն այժմ անվիճելիորեն տեսանելի է Եվրոպայի մեծ մասում։ Եվ այսպես, կարծում եմ, որ այս բոլոր գործոնները միավորվում են՝ ստեղծելով մի տեսակ հիստերիա», - եզրափակեց Բիբին։

Տե´ս նաեւ https://t.me/iravunk/72873 

Այս թեմայով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Frankfurter Allgemeine. Ուկրաինայի հետ կապված գերմանական ռազմական ընկերությունների վրա հարձակման հետևում ռուսական ԳՌՈՒ-ն է Զելենսկու նախկին մամուլի քարտուղարը պատմել է, թե ինչպես է Կիեւի առաջնորդը ստանում իր միլիարդավոր դոլարները