Եվրագոտում նոր թղթադրամները շրջանառության կդրվեն 2030-ականների սկզբից

Նոր եվրո թղթադրամները եվրոգոտում շրջանառության մեջ կդրվեն 2030-ականների սկզբից: Այս մասին հայտնել է Եվրոպական կենտրոնական բանկը (ԵԿԲ)։

«Նոր թղթադրամները կունենան կատարելագործված պաշտպանիչ տարրեր, կլինեն ավելի էկոլոգիական և օգտագործման համար ավելի հարմար։ Նախատեսվում է, որ դրանք աստիճանաբար շրջանառության մեջ կդրվեն 2030-ականների սկզբից», – ասվում է ԵԿԲ-ի կայքում հրապարակված հաղորդագրությունում։

Բացի այդ, ԵԿԲ-ն հայտնել է, որ թղթադրամների նոր դիզայնին նվիրված հարցմանը մասնակցել է Եվրոպայում և դրա սահմաններից դուրս բնակվող շուրջ 10 միլիոն մարդ։ Հարցման մասնակիցները գնահատել են դիզայնի 10 տարբերակ, որոնք բաժանված էին «Եվրոպական մշակույթ» և «Գետեր ու թռչուններ» թեմաների։

ԵԿԲ-ի կառավարիչների խորհուրդը թղթադրամների վերջնական դիզայնի վերաբերյալ որոշում կայացնելիս հաշվի կառնի հարցման արդյունքները, տեխնիկական գնահատականը և անկախ ժյուրիի առաջարկությունները։ Բանկի տվյալներով՝ որոշումը կկայացվի 2026 թվականի վերջին։

ԵԿԲ-ն նաև հստակեցրել է, որ շրջանառության մեջ գտնվող եվրո թղթադրամները կշարունակեն մնալ օրինական վճարամիջոց և կօգտագործվեն նոր շարքի թղթադրամներին զուգահեռ։

Աղբյուրը՝ Բիզնես 24

Այս թեմայով Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում Գերմանիայում 1 եվրոյով վաճառում են XIX դարի գործարան Եվրոպայում արգելել են չվաճառված հագուստն ու կոշիկը ոչնչացնել Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին ԵՄ-ն 500 մլն եվրո կներդնի Հայաստանի էներգետիկ ոլորտը Թուրքիային ու Վրաստանին կապելու համար