4 անչափահասներ քարերով և փայտերով հարվածներ են հասցրել 3 անչափահասների

Սեպտեմբերի 10-ին արտակարգ դեպք է տեղի ունեցել Երևանում։ Ժամը 15։30-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժնում օպերատիվ կառավարման կենտրոնից տեղեկություն է ստացվել, որ զանգահարած քաղաքացին հայտնել է իր վրա տեղի ունեցած հարձակման մասին։

Ինչպես հայտնում է ֆոտոլրագրող Գագիկ Շամշյանը, մեկնել է ոստիկանության Նոր Նորքի բաժնի օպերատիվ խումբը՝ համայնքային ոստիկանի գլխավորությամբ։

Տեղում Երևանի բնակիչ 39-ամյա Մարինե Հ․-ն հայտնել է, որ ժամը 14։40-ից մինչև 15։20-ն ընկած ժամանակահատվածում, Տիգրան Մեծի անվան զբոսայգում ոմն Ն․-ն, Հ․-ն, Դ․-ն և Գ․-ն ծագած վիճաբանության ժամանակ քարերով և փայտերով հարվածներ են հասցրել իր որդուն՝ 13-ամյա Մ․ Հ․-ին, ու նրա ընկերներ՝ 15-ամյա Է․ Մ․-ին և 16-ամյա Բ․ Գ․-ին՝ պատճառելով մարմնական վնասվածքներ։

Գ․ Շամշյանի տեղեկություններով՝ ոստիկանության Նոր Նորքի բաժնի ծառայողների կողմից ձեռնարկված միջոցառումների արդյունքում պարզվել է, որ ոմն Ն․-ն հանդիսանում է 14-ամյա Ն․ Բ․-ն, Հ․-ն՝ 15-ամյա Հ․ Զ․-ն, Դ․-ն՝ 14-ամյա Դ․ Փ․-ն, Գ․-ն՝ 13-ամյա Գ․ Ի․-ն, որոնց հայտնաբերման ուղղությամբ ոստիկանության Նոր Նորքի բաժնի ծառայողները ձեռնարկում են միջոցառումներ։

Դեպքի փաստով ոստիկանության Նոր Նորքի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։

Այս թեմայով Կանգառում ծեծի է ենթարկվել թիվ 23 երթուղին սպասարկող ավտոբուսի վարորդը․ նա հոսպիտալացվել է Ճամբարակի դժբախտ պատահարին չի նախորդել զինվորների միջև ծեծկռտուք, նրանք հակագազերով չեն վազել. ՔԿ Վիճաբանություն և ծեծկռտուք «Զվարթնոց»-ում․ 4 կին միմյանց հարվածներ են հասցրել, հայհոյանքներ հնչեցրել Վիճաբանություն և ծեծկռտուք «Զվարթնոց»-ում․ 4 կին միմյանց հարվածներ են հասցրե, հայհոյանքներ հնչեցրել Դաշտավան գյուղի եկեղեցու մոտ տեղի է ունեցել ծեծկռտուք՝ քարերով, մահակներով և կռփազենքով