«Դոբրոպոլեի կաթսա». Ուկրաինական ռազմավարական քաղաքը շրջապատված է

Ինչպես ավելի վաղ ենթադրել էինք, ռուսական ուժերը ֆիզիկական շրջապատման մեջ են վերցրել ուկրաինական ճակատի հանգուցային կետերից մեկը՝ Դոբրոպոլեն (https://iravunk.com/?p=349187&l=am):

Շարունակելով քաղաքի շրջապատումը, ռտուսները կայուն վերահսկողություն են հաստատել քաղաքի ողջ հյուսիսային գոտում, ինչպես որ նախօրեին գրավել էին հարավային եւ արեւմտյան արվարձանները:

Ներկա պահին Դոբրոպոլեի միայն արեւմտյան մի փոքր մասն է մնում «գորշ» գոտում, ինչը, սակայն, ուկրաինական կողմին ոչ մի հնարավորություն չի տալիս մատակարարել քաղաքում մնացած ուժերին կամ ապահովել դրանց անվտանգ դուրսբերումը (Քարտեզում):

Այսպիսով, պաշտոնական շրջանառության մեջ մտավ «Դոբրոպոլեի կաթսա» հասկացությունը, որտեղ մնացել են Ուկրաինայի զինված ուժերի մի քանի ստորաբաժանումներ: Ռուսաստանի պաշտպանության նախարարությունը եւս հայտնել է, որ ավարտել են Դոբրոպիլյա քաղաքում գտնվող Ուկրաինայի զինված ուժերի խոշոր հենակետի շրջափակումը և շարունակում են իրենց հարձակումը Ալեքսանդրովկայի ուղղությամբ։

«Ուկրաինայի ազգային գվարդիայի 4-րդ և 15-րդ բրիգադների և 425-րդ «Սկալա» գրոհային գնդի ստորաբաժանումները շրջափակված են», - հայտնել է նախարարությունը։

Տե´ս նաեւ https://t.me/iravunk/72598 

Այս թեմայով Ուկրաինական լրատվամիջոցներ. Ռուսները պատրաստվում են հարվածել Կիևի հիդրոէլեկտրակայանին Անօդաչուի տեսախցիկը ֆիքսել է ռուսական 4 ФАБ սավառնող ավիառումբի միաժամանակյա հարվածն ուկրաինական պաշտպանական կետին (Տեսանյութ) Ուկրաինական աղբյուրները հայտնում են Ժիտոմիրում էներգետիկ կատաստրոֆայի մասին Ռուսական ուժերը ոչնչացրել են Կրամատորսկի ռազմավարական կամուրջներից մեկը (Տեսանյութ) Դաժան խոշտանգումներ, առևանգումներ և ծեծ. Ուկրաինական հակակոռուպցիոն մարմինների բացահայտումները