Միացյալ Նահանգները Նիդեռլանդներին կոչ է արել դուրս գալ Միջազգային քրեական դատարանի կազմից

ԱՄՆ իշխանությունները Նիդեռլանդներին կոչ են արել դուրս գալ Միջազգային քրեական դատարանի (ՄՔԴ) կազմից՝ այդ կազմակերպության դեմ լայնածավալ պատժամիջոցներ նախապատրաստելու խորապատկերում։ «Արմենպրես»-ի հաղորդմամբ՝ այս մասին հայտնում է Associated Press գործակալությունը՝ վկայակոչելով իրավիճակին ծանոթ երկու աղբյուրի։

Լրատվամիջոցի տեղեկություններով՝ Նիդեռլանդները քննարկում են դատարանին աջակցելու հնարավորությունները՝ աշխատակիցներին և պաշտպանվող վկաներին վճարումների շարունակականությունն ապահովելու, ինչպես նաև քննչական մեկուսարանի անվտանգության ապահովման հնարավոր խափանումները կանխելու նպատակով։

Հաղորդվում է, որ պատժամիջոցները կարող են սահմանվել արդեն երկուշաբթի օրը։ Համապատասխան նախազգուշացումը ամերիկացի պաշտոնյաները փոխանցել են Նիդեռլանդների ներկայացուցիչներին։ ՄՔԴ կենտրոնակայանը գտնվում է այդ երկրի տարածքում։

Նշվում է, որ պատժամիջոցները ԱՄՆ-ի և Իսրայելի պաշտոնատար անձանց նկատմամբ նշված դատարանի կողմից իրականացվող հետաքննությունների պատասխանն են։

ԱՄՆ-ը և Իսրայելը ՄՔԴ-ին անդամակցող 125 երկրներից չեն։

The Wall Street Journal-ը սեպտեմբերի 20-ին վկայակոչելով ամերիկացի պաշտոնյաներին՝ հայտնել էր, որ ԱՄՆ նախագահ Դոնալդ Թրամփի վարչակազմը պատրաստվում է լայնածավալ պատժամիջոցներ սահմանել ՄՔԴ-ի նկատմամբ, որոնք կարող են էապես սահմանափակել դատարանի աշխատանքը։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Գեւորգ Սուջյանը նորություն ունի Սահմանադրական դատարանը հապճեպ որոշում է կայացրել`TRIPP-ի համաձայնագիրը չի հակասում Մայր օրենքին Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Այո՛, իմ իրավապաշտպան գործունեության ընթացքում նման դեպքերի ականատես եղել եմ, ինչպես առաջին,այնպես էլ երկրորդ ,երրորդ նախագահների օրոք. ԲԱՑԱՌԻԿ