Վիրավոր իմ Հայաստան, դու դեռ ուղղելու ես քո ողնաշարը

Մեր գործընկեր, հանրությանը հայտնի հետաքննող լրագրող Գայանե Զարգարյանը օրվան համահունչ շնորհավորական ուղերձ է հղել 35-ամյա անկախ Հայաստանին.

- Շնորհավոր  վիրավոր, բայց մաքառող Հայաստանի Հանրապետության անկախության 35-ամյակը
Այս օրը հայ ազգի արժանապատվութան,  մեր նախնիների պայքարի գնի,  մեր նահատակների արյամբ կերտված ճանապարհի ու մեր երեխաների ապագայի հանդեպ տրված երդման օրն է.... 
35 տարին մեզ սովորեցրեց, որ անկախությունը չի տրվում մեկ անգամ եւ  ընդմիշտ։ Այն ամեն օր պետք է պաշտպանել՝ հավատով, աշխատանքով, պատասխանատվությամբ և միասնականությամբ։ Պետք է պաշտպանել սահմանին կանգնած զինվորի ուժով, ուսուցչի գիտելիքով, բժշկի նվիրումով, աշխատողի արդար քրտինքով և յուրաքանչյուր քաղաքացու արժանապատիվ կեցվածքով։
Այս օրը խոնարհվում ենք բոլոր նրանց հիշատակի առաջ, ովքեր իրենց կյանքը զոհեցին, որպեսզի Հայաստանի եռագույնը ծածանվի ազատ երկնքի տակ։ Նրանց սխրանքը մեր պատմության ամենասուրբ էջերից է և մեր հավերժ պարտավորությունը՝ ունենալ ուժեղ, անվտանգ և ինքնիշխան հայրենիք։
Փա՛ռք մեր հայրենիքին, փա՛ռք մեր ժողովրդին, և որ թող   հավերժ լինի Հայաստանի անկախությունը։ 
Վիրավոր իմ Հայաստան, դու դեռ ուղղելու ես քո ողնաշարը 

Այս թեմայով Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Այսօր Հայաստանը նշում է Անկախության օրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ