Ժամանակի փորձությունն անցած կապերը հատկապես արժեքավոր են. Լուկաշենկոյի շնորհավորանքը Հայաստանին

Բելառուսի նախագահ Ալեքսանդր Լուկաշենկոն՝ Բելառուսի ժողովրդի և անձամբ իր անունից, շնորհավորել է Հայաստանի ժողովրդին ազգային տոնի՝ Անկախության օրվա կապակցությամբ։

«Այս նշանակալի իրադարձությունը՝ ինքնիշխանության ձեռքբերման 35-ամյակը, խորհրդանշում է հայ ժողովրդի ձգտումը դեպի ազատ ու անկախ զարգացում և սեփական հարուստ մշակույթի պահպանում», – ասված է շնորհավորական ուղերձում։

Պետության ղեկավարը նշել է, որ աշխարհի առջև ծառացած լուրջ մարտահրավերների պայմաններում ժամանակի փորձությունն անցած բարեկամական կապերը հատկապես արժեքավոր են դառնում։ «Մինսկին և Երևանին միավորում են ոչ միայն պատմության ընդհանուր էջերը, այլև ժողովուրդների միջև առկա անկեղծ փոխադարձ համակրանքը, ինչը հիմք է ծառայում բաց և կառուցողական գործընկերության համար», – ընդգծել է նա։

Ալեքսանդր Լուկաշենկոն Հայաստանի ժողովրդին մաղթել է կայունություն և վստահություն ապագայի հանդեպ։ «Թող յուրաքանչյուր տանը տիրեն ներդաշնակությունն ու ուրախությունը», – հավելել է Բելառուսի ղեկավարը։

Այս թեմայով Ի՞նչ, ասել եմ Լուկաշենկոյին բարև չե՞մ տալու, շրջվելու՞ եմ, ասել եմ՝ Բելառուս չեմ գնալու, չեմ գնացել Հավատացեք ինձ՝ ոչ մի տեղ մեզ չեն սպասում. Լուկաշենկոն՝ Հայաստանին Մենք պետք է պատրաստվենք պատերազմի. Լուկաշենկո Թրամփի հետ հանդիպումը օգտակար կլիներ Բելառուսի համար․ Լուկաշենկո Լուկաշենկոն ասում էր՝ «Դե ու՞մ է պետք ՀՀ-ն», հիմա ցույց ենք տալիս, թե ում է պետք. Փաշինյան