Բաքուն լուծում է հիմնարար խնդիր՝ հայերի վրա փակցնել «եկվոր ժողովրդի» պիտակ. Օկուպացված Արցախի պատգամավոր

Օտարերկրյա դիվանագետների այցը Գանձասար և Դադիվանք պայթեցրեց մեր սոցցանցերն ու ի ցույց դրեց նրանց ակնհայտ անիրազեկությունը։ Ենթադրենք՝ Հիքմեթ Հաջիևն էժանագին սենսացիաների հետևից ընկած տգետ է, բայց մի՞թե եվրոպացի դեսպանները, դիվանագետները՝ Եվրոպայում մեծացած ու ապրող մարդիկ, չգիտեին այս տարածաշրջանում հայերի ներկայության և հարուստ հայկական մշակութային ժառանգության մասին։ Եթե չգիտեին, ապա սա արդեն ոչ թե ծիծաղելի է, այլ շատ ցավալի»,-անդրադառնալով Գանձասարում Հաջիեւի հայտարարություններին, նման դիտարկում է անում օկուպացված Արցախի ԱԺ պատգամավոր Արևիկ Պետրոսյանը, փաստելով.

- Ադրբեջանի բարձրագույն ղեկավարությունը հրաշալի գիտակցում է պատմական իրականությունը, սակայն գիտակցաբար ստեղծում է կեղծ թեզեր՝ Գանձասարն ու Դադիվանքը անվանելով «աղվանական» հուշարձաններ և հայտարարելով «օկուպացիայի» տարիներին դրանց ճարտարապետության իբրև թե աղավաղման մասին։ Այսպիսով Բաքուն լուծում է հիմնարար խնդիր՝ հայերի վրա փակցնել «եկվոր ժողովրդի» պիտակ, որը զրկված է սեփական ժառանգության նկատմամբ պատմական իրավունքներից։ Ադրբեջանն օգտագործում է այս թեզը իր տարածքային ու պատմական հավակնություններն հիմնավորելու, ինչպես նաև տարածաշրջանում հայկական ներկայությունը ապալեգիտիմացնելու համար։ Հենց դրա համար էլ մենք սկսեցինք ազատագրական շարժումը։ Եթե ապրելու և մշակութային ժառանգության մեր իրավունքները չվիճարկվեին ու չոչնչացվեին հենց մեր աչքի առջև, մի՞թե մենք կսկսեինք այդ շարժումը։ Անշուշտ, ո՛չ։ Իսկ ինչո՞ւ էինք ուզում անջատվել, որովհետև ձգտում էինք պահպանել մեր ինքնությունը՝ չցանկանալով ձուլվել, ինչպես ձուլվեցին միլիոնավոր լեզգիներ։ Սա էր ազգային շարժման սկզբնավորման գլխավոր պատճառը։ Սա արցախցիների գիտակցված քայլն էր, որոնք սպառնալիք էին տեսնում իրենց գոյությանը։ Մենք ձգտում էինք պահպանել այն, ինչ մեզ պարգևել էր պատմությունը:

Արցախի պետնախարար Նժդեհ Իսկանդարյանն էլ նկատում է.

- Երբ ՀՀ իշխանավորները խոսում են խաղաղության մասին, սակայն տեսնում ենք, որ Ադրբեջանում ամենաբարձր մակարդակով ծաղրանքով են խոսում, դա փաստում է մեկ բան՝ խաղաղություն չի կարող երկարատև լինել, ինչը բերելու է միակողմանի զիջումների: 

Երեք տարի է՝ Արցախի ռազմաքաղաքական ղեկավարությունը գտնվում է Բաքվի բանտում։ Բազմաթիվ անգամներ ՀՀ կառավարությանը կոչ ենք արել հարցը օրակարգում պահել, փորձել բոլոր լծակներն օգտագործել, որ օր առաջ ազատ արձակվեն։ Սա նաև ցուցիչ է Ադրբեջանի վարած քաղաքականության, որ նրանք խաղաղության չեն գնալու։ Վստահեցնում եմ՝ աշխարհաքաղաքական կարգն արագ է փոխվում․ ամենահարմար պահին Ադրբեջանը գնալու է ագրեսիայի, սա թող չընդունվի՝ որպես պատերազմի կոչ, միևնույն ժամանակ տեսնում ենք նրանց քայլերը։ Խոսակցություններ կան տարբեր լրատվական աղբյուրներից՝ այդ թվում եվրոպական, որ այս պահին Ադրբեջանում մոբիլիզացիա է կատարվում։ 

Այս թեմայով Պատերազմի սկզբից արդեն խախտվել էր պատերազմի «այբուբենը». Նոյեմբերի 9-ին պայմանագրից 6 տարի անց Ինձ համար չափազանց կարեւոր է, որ Մոնթեի կերպարը չաղավաղվի․ հերոսի այրին փակագծեր է բացում «Ժողովուրդ». ՔՊ-ն փակ նիստերում քննարկում է Արցախի, ՀՀ անկախության Հռչակագրի և եկեղեցու հարցերը Այդ ո՞ր ողորմելի ստահակի ձեռքն է գնացել ջնջել մեր հրաշք հերոսի պատկերը․ ՀՀ վաստակավոր արտիստ Տուպիկի մեջ էի, ելք չէի գտնում. Վրթանես Սրբազանի տրտունջը