Հերթական քաղաքական սպանությունը Իրանում

Եզրակացությունը, որը ներկայացրեց իրանցի հեղինակավոր փորձագետ Հայալ Մուազզինը, տանում է այն մտքին, որ Իրանում ներքին հեղաշրջման վտանգը մնում է բարձր մակարդակի վրա: Բայց նախ այս պատմության վերջին դրվագի մասին:

Այսպես, նախօրեին հայտնի դարձավ, որ ԻՀՊԿ ռազմածովային ուժերի հրամանատարի քաղաքական տեղակալ և ԱՄՆ-ի հետ համաձայնագրի ընդգծված հակառակորդներից մեկի՝ փոխծովակալ Մոհամմադ Ակբարզադեին մահացել է ավտովթարից:

Անմիջապես էլ, բնական է, ի հայտ եկան կասկածները՝ դա կազմակերպված ավտովթար էր։ Ամեն դեպքում, ազգայնական ուղղվածության լրատվամիջոցները դրանում կասկած չունեն՝ փոխծովակալին սպանել են ԱՄՆ-ի հետ համաձայնագրին դեմ լինելու պատճառով։

Այս հարցում էական դարձավ Ակբարզադեի կնոջ խոսքը լրագրողի հետ զրույցում. «Ես չեմ կարող ընդունել իմ սրտով կամ մտքով, որ ամուսինս մահացել է սովորական ավտովթարի հետևանքով,- ասում է նա՝ փաստելով,- Մուհամմադի մահվանը նբախորդող գիշեր պարոն Ղալիբաֆն անձամբ զանգահարել է նրան։ Նրանց զրույցը տևել է մոտ 40 րոպե, և տեղի է ունեցել կարծիքների շատ բուռն փոխանակում»։

Իրանի խորհրդարանի խոսնակ, ԱՄՆ-ի հետ բանակցային խմբի երբեմնի ղեկավար եւ իրանական ռեֆորմիստների թեւի կարկառուն ներկայացուցիչ Ղալիբաֆը շարունակում է մնալ ԱՄՆ-ի հետ բանակցությունների կարկառուն կողմնակիցներից մեկը: Թեեւ այն բանից հետո, երբ Թրամփը չեղարկեց Իրանի հետ նախօրդ հաշտության պայմանագիրը, դա էապես խաթարեց նախագան Փեզեշկիանի եւ Ղալիբաֆի դիրքերը, սակայն կարողացավ մի քանի կողմնակիցներ զոհաբերելով, պաշտոնները պահել: Եվ ահա հիմա Իրանում ծայրահեղ սրվել են մեղադրանքները, որ այս թեւն արդեն անցել է քաղաքական սպանությունների պրակտիկային:

Ավելի կոնկրետ, դատելով Մուազզիի հիշատակված բացահայտումից, վերադարձել է քաղաքական սպանություններին: Այսպես, իրանական փորձագետը, ով, ի դեպ, ընկալվում է, որպես ԻՊՀԿ-ին մոտ կանգնած գործիչ, Ակբարզադեի սպանության հետ կապված այս միտքը հայտնեց. «Աճում է կախաղանի առջև կանգնածների թիվը... Կգա ժամանակը, երբ Այաթոլլահ Խամենեիի, Իբրահիմ Ռաիսիի, պարոն Լարիջանիի և այլոց մահվան մեջ ներգրավվածները կպատժվեն մահապատժով»։

Այաթոլլահ Խամենեիի եւ Իրանի Անվտանգության խորհրդի ղեկավար Լարիջանիի սպանության հարցը բավականին բացահայտված թեմա է: Բայց ահա նախկին նախագահ Իբրահիմ Ռաիսիի մահը, հիշեցնենք, ներկայացվեց, որպես ուղղաթօիռային վթարի արդյունք: Այն է՝ Ադրբեջանի սահմանից (ուր նրան հրավիրել եր Ալիեւը) թռչելիս, երեք ուղղաթիռներից՝ նախագաինը հայտնվել է մառախուղի գոտում եւ բախվել լեռանը: Ավեն դեպքում, դա ներկայացվեց փորձաքննության արդյունքում, ընդ որում, այն բանից հետո, երբ ազերիական ծագումով Փեզեշկիանը ընտրվեց նախագահ:

Եվ հիմա, դատելով իրանցի փորձագետի մտքերից, Իրանում շարունակում են չհավատալ Իբրահիմ Ռաիսիի մահվան այդ միանգամայն կասկածելի վարկածին՝ պնդելով սպանության մասին:

Բայց կա նաեւ այն հարցը, որ եթե այդ խորքային կասկածները կան, ապա ինչու ԻՊՀԿ-ն տեղից չի շարժվում՝ մեղավորներին պատժելու համար: Չնայած, դատելով Մուազզիի գնահատումներից, այս ամենի հանգուցալուծումն արդեն հեռու չէ: 

Տե´ս նաեւ https://t.me/iravunk/72338 

Այս թեմայով Մինչեւ «ռոբոտների ապստամբությունը» մնաց մեկ քայլ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Թոշակառու տատիկը սքութերով վրաերթի է ենթարկել մեկ այլ թոշակառուի և կհայտնվի բանտում ԵՄ-ն չկարողացավ երկարաձգել Ռուսաստանի դեմ պատժամիջոցները դրանց ժամկետի լրանալուց մեկ օր առաջ Շնորհիվ բկ-ի սրտացավ տնօրենի՝ այստեղ առաջին բուժօգնությունը իրականացվում է վարկյանների ընթացքում՝ անկախ սոցիալական կարգավիճակից