Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո

Սեպտեմբերի 16-ին Հայաստանի չեմպիոն «Արարատ-Արմենիան» Եվրոպա լիգայի 2026/2027 մրցաշրջանի լիգայի փուլի մեկնարկային տուրում Երևանի Վազգեն Սարգսյանի անվան «Հանրապետական» մարզադաշտում ընդունեց Պրահայի «Սպարտային»։ Հանդիպումն ավարտվեց հյուրերի վստահ հաղթանակով՝ 1:4 հաշվով։

Խաղից հետո չեխական ակումբի մամուլի ծառայությունը լուսանկար է հրապարակել սոցցանցերում և շնորհակալություն հայտնել երևանյան ակումբին հյուրընկալության համար։

«Շնորհակալություն «Արարատ-Արմենիային» մեր միջև կայացած խաղի ընթացքում հիանալի համագործակցության համար։ Մենք գնահատում ենք ձեր հյուրընկալությունը և հաջողություն ենք մաղթում, որպեսզի Եվրոպա լիգայում ձեր առաջիկա հանդիպումներն ավելի հաջող դասավորվեն, քան երեկվա նորամուտը:

ՍԻՐՈ ԱՆՈՒՆԸ ՀԱՅԱՍՏԱՆ Է»,- նշված է «Սպարտայի» հրապարակած հաղորդագրության մեջ։

Հիշեցնենք, որ Եվրոպա լիգայի լիգայի փուլի երկրորդ տուրում «Արարատ-Արմենիան» արտագնա խաղում կմրցի լեհական «Յագելոնիայի» հետ։ Հանդիպումը կկայանա հոկտեմբերի 15-ին Բելոստոկի քաղաքային մարզադաշտում և կմեկնարկի Երևանի ժամանակով 23:00-ին։

Աղբյուրը՝ Armsport.am:

Այս թեմայով Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի Մախաչևը կանխատեսել է Ծառուկյանի առաջիկա մենամարտի ելքը