Ինչպես փաՌատոները վերածվեցին փաՐատոների...

Սակայն ներկա Հայաստանի Հանրապետությունում` զուգահեռ իրականության ԱՆԴԱՐԴ աշխարհում ապրում են չդադարվող փառատոների սիրահարները...

ՀՀ Զբոսաշրջության կոմիտեն (Tourism Committee of RA) տեղեկացնում է, որ «Սեպտեմբերի 19-ին Ձորաղբյուրում արդեն 13-րդ անգամ կանցկացվի «Բերքի տոն» ՓԱՌԱՏՈՆԸ»: Շատ խորհրդանշական է այդ վայրի հասցեն` Ձորաղբյուր, ԲԱՆԱԿԻ փողոց 18: Երբ որդեկորույս մայրերը այդ օրը բարձրանալու են Հայոց Բանակի «Եռաբլուր» Զինվորական Պանթեոն` այցելելու իրենց 18-ամյա որդիների շիրիմները, այդ նույն պահին Բանակի փողոց 18 հասցեում 12 ԺԱՄ` 11:00-ից մինչև 23:00, տաշ ու տուշի է լինելու «կենդանի համերգային» ծրագրով:

 

Նույն օրը` սեպտեմբերի 19-ին, մի շարք առաջատար տեղական տուրիստական ընկերություններ, օրինակ` One Way Tour, One Day Armenia, Positive Day Tour, Արշավներ Ակումբ (Arshavner Club), փառատոների սիրահարներին «It's just business» սկզբունքով կհասցնեն Վայոց ձորի Խաչիկ գյուղ` վայելելու «Գաթայի ՓԱՌԱՏՈՆԸ», որտեղ բացի գաթայից, հայտնի ՊԱՐԱՅԻՆ խմբերի ու ԿԱՏԱՐՈՂՆԵՐԻ մասնակցությամբ կմեկնարկի ՀԱՄԵՐԳԱՅԻՆ ԾՐԱԳԻՐԸ, ԿԼԻՆԻ ԱԶԳԱՅԻՆ ԵՐԳ ու ՊԱՐ, ԼԱՐԱԽԱՂԱՑ... Ի դեպ, ԱՅԴ ԼԱՐԱԽԱՂԱՑԻ մասնակցությունը շատ ՍԻՄՎՈԼԻԿ է` այն կարծես ներկա Հայաստանի կարգավիճակն է խորհրդանշելու...

 

Հրավիրված ասուլիսից տեղեկացանք, որ նախորդ փառատոնին Խաչիկ գյուղն ունեցել է շուրջ 6000 այցելու, եւ այս տարի նույնպես ՄԵԾ ԹՎՈՎ հյուրեր են սպասվում։ Հետաքրքիր է, իսկ քանի՞սը կհիշեն, որ հենց այդ օրը` սեպտեմբերի 19-ին, ագրեսոր ադրբեջանը ռմբակոծում էր Արցախ Աշխարհը...

Որ հենց սեպտեմբերի 19-ից սկսվեց Արցախի ՀԱՅԱԹԱՓՈՒՄԸ...

 

Բացի տուրիստական ընկերություններից Երեւանի Հանրապետության հրապարակից, ինչպես նշված է` նախկին Լենինի արձանի տարածքից, ժամը 08:30-ին ԱՆՎՃԱՐ ՏՐԱՆՍՊՈՐՏԸ կմեկնի դեպի Գյումրի` որպեսզի այնտեղ հասցնի ջրաներկի սիրահարներին, քանի որ այդ օրը այնտե՛ղ` Գյումրիո՛ւմ, տեղի կունենա «Հայաստանի Գույները» ՋՐԱՆԵՐԿԻ միջազգային ՓԱՌԱՏՈՆԸ: Վերադարձը Գյումրիից նույն օրը ժամը 19:00-ին` նույնպես անվճար է։ Իսկ ի՞նչ կապ ունի փառատոն բառը, որը նշանակում է ՓԱՌՔԻ ՏՈՆ, ՋՐԱՆԵՐԿԻ հետ, դժվար է հասկանալ...

 

Բացի այդ, կշարունակվի Երեւանի ՆՈՐԱՁԵՎՈՒԹՅԱՆ ՇԱԲԱԹԸ (Yerevan Fashion Week), որի միջոցառումները, ինչպես նշված է, մեկնարկում են կեսօրից հետո, իսկ հիմնական ցուցադրությունները կլինեն 18:00-ից 21:00-ն ընկած ժամանակահատվածում։

 

Իսկ Սյունիքի մարզի Կապանի համայնքապետարանի Մշակույթի մեծ դահլիճում կամ կից կենտրոնական հրապարակում` կախված եղանակային պայմաններից, ժամը 19-ին տեղի կունենա ՏՈՆԱԿԱՆ ՀԱՄԵՐԳ:

 

Հա... Մոռացա, որ նույն սեպտեմբերի 19-ին, ժամը՝ 19-ին, Ծիծեռնակաբերդի հարեւանությամբ գտնվող մարզահամերգային դահլիճում մեծ համերգով (թե՞ чёс-ով) ի հայտ կգա «босоногий мальчуган»-ը: Բո, խոմ փարայի սիրահարներից հետ չի մնալու...

 

Այնպես որ, գերհագեցած օրն առաջարկում է ամեն ճաշակի ու քմահաճույքի համար նախատեսված «միջոցառում-փառատոն»... Ամեն տեսակի խրախճանք ու զբաղմունք... Ամեն տեսակի... Միայն թե ոչ հուշ... Հիշողություն... Հիշողություն, որը մարդկային հատկություններից կարեւորագույնն է... Այդ հիմքի վրա է կառուցվում անձի գիտակցությունը... Դրա շնորհիվ է մարդ էակը ձեռք բերում հոգեկան բարձր հատկություններ... Դրանով ենք մենք տարբերվում կենդանական աշխարհի մյուս ներկայացուցիչներից... Էհ... Ասողին` լսող է պետք...

 

Այնպես որ դուք... Դուք փաՌատոնվեք եւ փաՐատոնվեք... Միայն օդում ու Հայոց Սահմաններին մեկ հարց է մնում կախված. «Մինչեւ ե՞րբ»։

 

Հ.Գ. - Ներկայացնում եմ ԱԲ կողմից կազմած, ՀՀ 2026 թ. սեպտեմբերի 19-ին նախատեսված բոլոր հիմնական միջոցառումների անցկացման վայրերի ու ժամերի ցանկը, որը տրամադրել ԱԲ-ը՝

 

1. Գաթայի փառատոն (Վայոց ձոր)

 

Վայրը։ Վայոց ձորի մարզ, Խաչիկ գյուղ (կենտրոնական հրապարակ)։

Ժամը: Մեկնարկը՝ 12:00-ին (փառատոնի պաշտոնական բացում և ավանդական հսկա գաթայի օրհնության կարգ)։

Նշում Երևանից մեկնողների համար: Տուրիստական խմբերի դեպի գյուղ մեկնարկը Երևանից (օրինակ՝ Ռոսիա Մոլի դիմացից) նախատեսված է առավոտյան 08:30-ին։ [ONE DAY TOUR]

 

2. «Բերքի տոն. Գյուղական կյանք և ավանդույթներ» փառատոն (Երևանի հարևանությամբ)

 

Վայրը: Կոտայքի մարզ, Ձորաղբյուր, Բանակի փողոց 18, «Կանաչ Ուսուցման Կենտրոն» (Երևանից ընդամենը մի քանի կիլոմետր հեռավորության վրա)։

Ժամը: 11:00-ից մինչև 23:00 (ամբողջ օրվա ընթացքում սպասվում է ցուցահանդես-վաճառք, իսկ երեկոյան՝ կենդանի համերգային ծրագիր)։

 

3. Երևանի Նախատեսված Մյուս Փառատոները (Մայրաքաղաք)

 

Երևանի Նորաձևության շաբաթ (Yerevan Fashion Week)

 

Վայրը: Հստակ ցուցադրությունների հարթակները տարբերվում են, սակայն գլխավոր կենտրոնացումը քաղաքի կենտրոնական մշակութային վայրերում է։

Ժամը: Միջոցառումները մեկնարկում են կեսօրից հետո, իսկ հիմնական ցուցադրությունները՝ 18:00-ից 21:00-ն ընկած ժամանակահատվածում։

«Հայաստանի Գույները» ջրաներկի միջազգային փառատոն (Մեկնարկը Երևանից).

Վայրը: Փառատոնի շրջանակում անվճար տրանսպորտը մեկնում է Երևանի Հանրապետության հրապարակից (նախկին Լենինի արձանի տարածքից) դեպի Գյումրի։

Ժամը: Մեկնումը Երևանից՝ 08:30-ին, վերադարձը Գյումրիից՝ նույն օրը 19:00-ին։ 

 

4. Տոնական համերգ (Կապան)

 

Վայրը: Սյունիքի մարզ, քաղաք Կապան, Կապանի համայնքապետարանի Մշակույթի մեծ դահլիճ կամ կից կենտրոնական հրապարակ (կախված եղանակային պայմաններից)։

 

Ժամը: Մեկնարկը ավանդաբար երեկոյան է՝ 19:00-ին։

 

ՀԱՅԵ՛Ր ջան, սա գովազդ չէ, սա մեր ԽԱՅՏԱՌԱԿՈՒԹՅՈՒՆՆ ու ՑԱՎՆ է...

 

Եվ սրանով փառատոների ցուցակը չի սահմանափակվում:

 

Հոկտեմբերին նախատեսված է`

ԹԵՅԻ եւ ՍՈՒՐՃԻ ՓԱՌԱՏՈՆ...

ՕԴԱԳՆԱՑՈՒԹՅԱՆ միջազգային ՓԱՌԱՏՈՆ «Բացահայտիր Հայաստանը երկնքից»...

 

Շուտով մարդուն շրջապատող ԻՐԵՐԻ եւ ՍՆՆԴԻ ԱՆՎԱՆՈՒՄՆԵՐՈՎ փառատոների թիվը կգերադասի տարվա 365 օրերը...