«Իրավունք». Ով է ստում․ Ավինյանը, թե՞ Փաշինյանը

«Իրավունք» թերթը գրում է. «ՀՀ ժողովրդական արտիստ Տիգրան Մանսուրյանը հանդիպել է Երեւանի քաղաքապետին եւ, ըստ ՏԻԳՐԱՆ ԱՎԻՆՅԱՆԻ, խոսել են քաղաքի կարեւոր ծրագրերից։ Հենց Ավինյանի կողմից հրապարակված տեսանյութում Մանսուրյանը հարց է ուղղում, թե Աջափնյակի մետրոյի հարցը կա՞ օրակարգում։ Ավինյանն էլ կատակում է․ «Ինձ թվում է՝ մյուս տարի բուն շինարարությունը կսկսենք։ Բացի ինձանից, ինձ թվում է՝ էլ ոչ մեկ չի հավատում, որ դա անելու ենք, բայց անելու ենք»։

Հետաքրքիր է՝ Տիգրան Ավինյանը չի լսո՞ւմ ինչ է խոսում իր քաղաքական առաջնորդ ու սրտի վարչապետ Նիկոլ Փաշինյանը, թե՞ ուղղակի ստում է 87-ամյա կոմպոզիտորին։ Բա որ բացի իրենից ոչ ոք չի հավատում, որ մետրոն կառուցվելու է, ինչո՞ւ է Փաշինյանը բիշքեկյան այցից հետո լրագրողների հետ ճեպազրույցում հայտարարել, որ Ռուսաստանի հետ քննարկում են մետրոյի «Աջափնյակ» կայարանի կառուցմանն իրենց մասնակցության հարցը, որովհետեւ իրենք այստեղ մեծ փորձ ունեն, եւ ուրախ կլինեն, որ այդ հարցում իրենց աջակցեն։

«Եվ մենակ «Աջափնյակ» կայարանի մասին չէ խոսքը։ «Աջափնյակ»-ը Երեւանի մետրոպոլիտենի զարգացման նոր փուլի մեկնարկն է, ըստ էության։ Այդ մի կայարանը բարեհաջող կկառուցենք, կավարտենք, դրանից հետո կկառուցենք նաեւ երկրորդը, երրորդը... Այս պահին տեսադաշտում առնվազն 4 նոր կայարանի տեսլական կա, որ մետրոյի ճյուղն Աջափնյակով, Ակադեմիական քաղաքով գնա եւ կպնի «Չարբախ» կայարանին, եւ մենք մետրոյի շրջանաձեւ երթեւեկություն ունենանք»,- ասել է Փաշինյանը։  

Առավել մանրամասն թերթի այսօրվա համարում

Տե´ս նաեւ https://t.me/iravunk/72266

Այս թեմայով Փաշինյանը կմեկնի Թուրքիա Փաշինյանը մեկնել է Բրյուսել՝ մասնակցելու Euronews–ի «ԵՄ ընդլայնման գագաթնաժողով 2026»-ին Փաշինյանը բաց է թողել «ջինը շշից»․ ինչո՞ւ է սկսել նախընտրական արշավը. Բադալյան Նիկոլ Փաշինյանը մասնակցում է «ՀայՓաս» ընկերության Երևան մոլի նոր գրասենյակի բացման արարողությանը․ ուղիղ «Հրապարակ»․ Փաշինյանը նոր «հոկտեմբերի 2» է պլանավորո՞ւմ