«Հրապարակ»․ Էդուարդ Թոփչյանը եւ կինը` իրավապահների ուշադրության կենտրոնում

«Հրապարակ» թերթը գրում է. «Մեր տեղեկություններով՝ Հայաստանի ազգային ֆիլհարմոնիկ նվագախմբի գեղարվեստական ղեկավար եւ գլխավոր դիրիժոր Էդուարդ Թոփչյանը եւ նրա կինը հայտնվել են իրավապահների ուշադրության կենտրոնում։

Թոփչյանի կինը՝ ջութակահար Ա. Ն․-ն, մոտ 3 շաբաթ առաջ հաղորդում է ներկայացրել իրավապահներին՝ ամուսնու կողմից ֆիզիկական բռնության ենթարկվելու մասին: Քննչական կոմիտեն քրեական վարույթ է նախաձեռնել։

Կինը պատմել է, որ 2024 թվականին ամուսինն իրեն պարբերաբար ծեծի է ենթարկել։ Սակայն ամուսինը որեւէ կարգավիճակ չունի, քանի որ դատաբժշկական փորձաքննությամբ 24-ին կիրառված բռնությունների դեպքը չի հաստատվել։

Մեզ պատմեցին, որ դիրիժորը հակընդդեմ հաղորդում է ներկայացրել կնոջ դեմ՝ պնդելով, որ ինքն է ֆիզիկական բռնության ենթարկվել կնոջ կողմից։ ՔԿ-ից մեր գրավոր հարցմանը պատասխանել են․ «Ի պատասխան Ձեր հարցման՝ հայտնում ենք, որ Ա. Նիկողոսյանի հաղորդման հիման վրա ՀՀ ՔԿ-ի Երեւան քաղաքի քննչական վարչությունում նախաձեռնվել է քրեական վարույթ՝ Քրօր․-ի 196.1-րդ հոդվածի 2-րդ մասի 4-րդ կետով եւ 195-րդ հոդվածի 2-րդ մասի 6-րդ կետով։ Քրեական վարույթը կարճվել է։ Միաժամանակ, հայտնում ենք, որ Էդուարդ Թոփչյանի հաղորդման հիման վրա նախաձեռնվել է քրեական վարույթ՝ Քրօր․-ի 195-րդ հոդվածի 2-րդ մասի 6-րդ կետով։ Քրեական վարույթի շրջանակում նշանակվել է դատաբժշկական փորձաքննություն, որի եզրակացությունը դեռեւս չի ստացվել։ Մեղադրյալի կարգավիճակ ունեցող անձ չկա»։

Առավել մանրամասն թերթի այսօրվա համարում

Տե´ս նաեւ https://t.me/iravunk/72261 

Այս թեմայով Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը Ալեքսանդրապոլի պայմանագրի կետերը, որը ՀՀ փաստացի վիլայեթացման ամրագրումն էր. Էդուարդ Շարմազանով Հայկական յուրահատուկ ներկայություն. «Ալ-Ահլիի» գրառումը Սպերցյանի մասին Ռուս կինը երևանյան հյուրանոցին մեղադրում է իր զարդերը գողանալու մեջ Էլոն Մասկի կինը՝ չորս երեխաների մայրը հայտարարել է բաժանման մասին