Նախկին նիկոլականին ներկայացնելու են իբրեւ վարչապետի այլընտրանքային թեկնածու․ Հովսեփյան

Newspress.am կայքի հիմնադիր-տնօրեն ԱՐԻԱՆԱ (ԱՐՄԵՆՈՒՀԻ) ՀՈՎՍԵՓՅԱՆՆ իր ֆեյսբուքյան էջում գրառում էր կատարել՝ հայտնելով, որ «Նիկոլի ջեբի շուն» ընդդիմությունը շուտով կհայտարարի այլընտրանքային վարչապետի թեկնածուի անունը։ Նա տվել է մի քանի հուշում՝ թեկնածուն լինելու է նախկին նիկոլական, հիմա սուտի թունդ ընդդիմադիր, քիթն էլ վիրահատած է։ «Իրավունք»-ը հետաքրքրվել է նրանից, թե կոնկրետ ում կամ որ քաղաքական շրջանակներին նկատի ունի։

— Մինչեւ վերջ փակագծերը չեմ կարող բացել, որովհետեւ օրեր առաջ է կայացվել այս որոշումը: Ըստ շրջանառվող լուրերի՝ Սամվել Կարապետյանի «Ուժեղները» եւ Ռոբերտ Քոչարյանի «Հայաստան» դաշինքի պատգամավորները հանդիպում են ունեցել եւ որոշել են, որ ունենան իրենց այլընտրանքային վարչապետին թեկնածուն։ Պարզապես, այստեղ զավեշտալին այն է, որ այդ թեկնածուին ում ընտրել են, ինչպես ես գրել եմ իմ սոցէջում, քիթը վիրահատված մի անձնավորություն է:

Ինձ համար այս ընդդիմությունը Նիկոլից ավելի վատն է։ Նրանք այն ուժերն են, որոնք 3-ը մեկում են ու կարելի է հենց իրենց եռագլուխ անվանել՝ Նիկոլի, Ռոբերտ Քոչարյանի եւ Սամվել Կարապետյանի թիմը։ Սա կարծում եմ՝ հենց Նիկոլ Փաշինյանի «դաբրոյով» է կազմակերպվել, որպեսզի այնպիսի մարդ լինի այլընտրանքային վարչապետի թեկնածու, որ ժողովուրդն էլ ավելի զզվի իրենց թեկնածուից՝ դրանով առավել ամրապնդելով Նիկոլի աթոռը։

Վաղուց է, ինչ կասկածներ ունեմ, որ իրենք են Նիկոլի աթոռն ամուր պահողները, քանի որ Նիկոլն իր սեւ գործը դեռ ավարտին չի հասցրել։ Պարզապես, իրենք պիտի նման շոուներ անեն, առաջ բերեն քիթը վիրահատած նախկին նիկոլականի, ով Նիկոլի հետ քայլում էր: Ասել եմ, կրկնում եմ՝ ինձ համար նախկին նիկոլական բացարձակապես չկա, ով ուզում է լինի։ Հիմա տվյալ անձը դարձել է իբրեւ կարկառուն ընդդիմադիր, կուլտուրական մի դեմք ու նրան բերելու, ներկայացնելու են իբրեւ այլընտրանքային վարչապետի թեկնածու:

Սա ինչպե՞ս հասկանանք: Ուրեմն, մեր երկրում նորմալ, ուժեղ կայացած տղամարդ չկա՞, որ Նիկոլի հետ ինչ-որ նախկին քայլողի պիտի բերեին: Մի անձի, ով գրկից գիրկ էր թռնում։ Նա այն մարդն է, որ ասում էր՝ եթե Նիկոլը նորից վերընտրվի, ես խորհրդարան չեմ մտնի։ Հիմա հարցն ուզում եմ ուղղեմ տվյալ անձնավորությանը՝ բա ինչի՞ մտաք, Դուք ինքնասիրություն չունե՞ք։ Սա մի շոու է՝ վերջնական ժողովրդին տապալելու, հիասթափեցնելու եւ Նիկոլի աթոռն էլ ավելի ամրապնդելու համար, որպեսզի ավարտին հասցվի Հայաստանի լուծարումը։

— Ո՞ւմ մասին է խոսքը, գուցե անուն-ազգանունն ասե՞ք։

— Նա կին է, ով Նիկոլի հետ քայլել է: Նրա քիթը վիրահատված է, նախկին նիկոլական, իսկ հիմա դարձել է կարկառուն ընդդիմադիր: Թե ով է գուշակեք ինքներդ: Պատահական չէր այդ գրառումս: Նպատակս այն էր, որ ամոթ ունենան եւ այդ լուրը հանրությանը չմատուցեն: Մեր երկրին պետք է ուժեղ կայացած տղամարդ, որպեսզի կարողանա այս իրավիճակում փրկել մեզ ու հայրենիքը։

ՆԱՆԱ ՍԱՐԳՍՅԱՆ

Այս թեմայով Քանի ունենք այս տեսակ ընդդիմություն, ձերբակալությունների շղթան դեռ շարունակվելու է․ Հովսեփյան Հայաստանը ԵԱՏՄ կազմում պիտի մնա, կողմ եմ հանրաքվեին․ Արմենուհի Ղազարյան ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները Այս խաբեբաները, որ ասեն՝ եկեք հանրահավաքի, կոչ եմ անում՝ ոչ մեկդ դուրս չգաք. Արիանա Հովսեփյան Դուք սրիկաներ եք, բոլորիդ կեղտերը հանելու եմ ջրի երես. Արիանա Հովսեփյան