Մոսկվայում հեռակա կարգով մեկնարկել է «Սպայկա»-ի ղեկավարների դատավարությունը

Մոսկվայի Օստանկինոյի դատարանում սեպտեմբերի 14-ին հեռակա կարգով մեկնարկել է «Սպայկա-Ռուս» ընկերության հիմնադիր Դավիթ Ղազարյանի և գլխավոր տնօրեն Արայիկ Սարուխանյանի դատավարությունը։ Հայաստանի մրգի և բանջարեղենի խոշորագույն արտահանողի ռուսական դուստր ձեռնարկության ղեկավարները մեղադրվում են կեղծ պայմանագրերով Ռուսաստանից շուրջ 44 միլիարդ ռուբլի դուրս բերելու, 5 միլիարդ ռուբլու չափով ավելացված արժեքի հարկ վճարելուց խուսափելու և հանցավոր ճանապարհով ստացված եկամուտների օրինականացման մեջ:

Ռուսաստանի Քննչական կոմիտեի տվյալներով՝ քրեական գործը հարուցվել էր դեռևս 2019 թվականի ապրիլին։ Քննիչների պնդմամբ՝ 2015–2018 թվականներին իրականացված մատակարարումների ընթացքում Ռուսաստան ներկրված ապրանքների փաստացի արժեքը կազմել է պայմանագրերի ընդհանուր գումարի ընդամենը 2 տոկոսը, իսկ դուրս բերված ֆինանսական միջոցները ներդրվել են տարբեր ընկերությունների բաժնետոմսերում։

Դատական գործընթացն ընթանում է հեռակա կարգով, քանի որ երկու գործարարներն էլ գտնվում են Հայաստանում։ Ռուսական կողմը Դավիթ Ղազարյանին դիտարկում է որպես հանցավոր schem-այի կազմակերպիչ, իսկ Արայիկ Սարուխանյանին՝ կատարող։ 2025 թվականի մարտին նրանց հեռակա մեղադրանք էր առաջադրվել և հայտարարվել հետախուզում, ինչից հետո գործն օգոստոսին փոխանցվել էր դատարան։

Հատկանշական է, որ Ռուսաստանում հետաքննության մեկնարկից հետո Ղազարյանին մեղադրանք էր առաջադրվել նաև Հայաստանում՝ 17 միլիոն դոլարի հարկային պարտավորությունները չկատարելու համար, սակայն պետությանը պատճառված վնասն ամբողջությամբ հատուցելուց հետո նրա նկատմամբ քրեական հետապնդումը դադարեցվել էր։

Այս թեմայով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Չարախնդացողներին պետք է հիասթափեցնեմ. Հայտնի փաստաբանը բացառիկ մանրամասներ է ներկայացնում Տեղի է ունեցել վարչապետ Նիկոլ Փաշինյանի հեռախոսազրույցը ԱՄՆ նախագահ Դոնալդ Թրամփի հետ Պետք է վերջ դրվի «բդեշխների ինստիտուտին». Հայտնի իրավապաշտպանի բացառիկ զրույցը՝ մարզպետների ինստիտուտի օպտիմալացման մասին