ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։

Սեպտեմբերի 15- 27-ը, Բուլղարիայի մայրաքաղաք Սոֆիայում կկայանա Բռնցքամարտի Եվրոպայի մեծահասակների առաջնությունը։ Հայ բռնցքամարտիկները այսօր մեկնեցին մրցավայր։ Մեր հավաքականը այս կարևորագույն ստուգատեսին կմասնակցի հետևյալ կազմով ՌՈՒԴՈԼՖ ԳԱՐԲՈՅԱՆ 50 կգ, ԺԻՐԱՅՐ ՍԱՐԳՍՅԱՆ 55 կգ, ԱՐԹՈՒՐ ԲԱԶԵՅԱՆ 60 կգ, ԱՐԹՈՒՐ ՍԱՀԱԿՅԱՆ 65 կգ, ՀԱՐՈՒԹՅՈՒՆ ՀԱԿՈԲԿՈԽՅԱՆ 70 կգ, ՄԱՐԱՏ ՄԻՔԱՅԵԼՅԱՆ 75 կգ, ԱՐՏՈՒՇ ՀՈՎՀԱՆՆԻՍՅԱՆ 80 կգ, ՌԱՖԱՅԵԼ ՀՈՎՀԱՆՆԻՍՅԱՆ 85 կգ, ՆԱՐԵԿ ՄԱՆԱՍՅԱՆ 90 կգ, ԴԱՎԻԹ ՉԱԼՈՅԱՆ +90։ Հավաքականի գլխավոր մարզիչ ՌՈՒԴԻԿ ՄԿՐՏՉՅԱՆԸ, նախքան մեկնելը, Iravunk. com -ի մարզական լրագրողի հետ զրույցում նշեց. «Եվրոպայի առաջնությանը պատրաստվել ենք տարվա սկզբից, մի քանի միջազգային մրցաշարերի ենք մասնակցել, Աշխարհի գավաթի խաղարկության ենք մասնակցել, 4 մարզական հավաք ենք անցկացրել, վերջինը Ծաղկաձորում, այստեղ երկու հավաք ենք անցկացրել, քանի որ մարզադահլիճ չունենք, որ իջնենք ներքև։ Կազմն ընտրել ենք տարվա ընթացքում ցույց տված արդյունքներով, մրցաշարերում մասնակցության ցուցանիշներով։ Ասեմ, որ ունենք տիտղոսակիր կաշվե ձեռնոցի մարզիկներ. Դավիթ Չալոյան, Արթուր Բազեյան, Ռաֆայել Հովհաննիսյան, Նարեկ Մանասյան, մյուսները։ Բոլորից էլ ունենք սպասելիքներ։ Բոլորն էլ պատրաստ են ու կարող են մեդալային պայքարում լինել։ Նշեմ, որ Օլիմպիական վարկանշային մրցաշարերը կլինեն 2027֊ի Եվրոպական խաղերից, ապա կլինի 2027֊ի ԱԱ֊ն, 2028֊ին ևս երկու վարկանշային մրցաշար։ Որպես գլխավոր մարզիչ, իմ առջև խնդիր եմ դրել, որ այս ԵԱ֊ում անպայման հաղթող ենք ունենալու։ Ֆեդերացիան ջանք չի խնայում, որ մեր նպատակը դառնա իրականություն։ Եթե ամեն բան հաջող ստացվի, 3֊4 մեդալի հույս կա»։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով «ԱՄԵՆԱԴԺՎԱՐԸ ՍՏԱՑՎԵՑ ՌՈՒՍ ՄՐՑԱԿՑԻ ՀԵՏ ՄԵՆԱՄԱՐՏԸ». ԲՌՆՑՔԱՄԱՐՏԻ ՄԵԾԱՀԱՍԱԿՆԵՐԻ ԵՎՐՈՊԱՅԻ ՈՒ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՌՈՒԴՈԼՖ ԳԱՐԲՈՅԱՆ