Տիգրանաշենի դպրոցը փակվեց․ ի՞նչ է լինելու գյուղի հետ

Տիգրանաշենի աշակերտները ստիպված են իրենց ուսումը շարունակել հարեւան  Պարույր Սեւակ գյուղում: Մի՞թե նպատակը որակյալ կրթությունն է, թե՞ գյուղի դատարկումը, թերեւս սա էլ ավելացավ տիգրանաշենցիների մտահոգությունների շարքում։

Նիկոլ Փաշինյանը 2026 թվականի օգոստոսի 20-ին հայտարարեց, որ Հայաստանի եւ Ադրբեջանի միջեւ սահմանազատումը պետք է հենվի 1991 թվականի Ալմաթայի հռչակագրի վրա, եւ նշեց, որ համապատասխան քարտեզների համաձայն՝ Քյարքին, Բարխուդարլուն եւ Ոսկեպարը Հայաստանի տարածք չեն։  Դրանից օրեր անց՝ սեպտեմբերի 1-ից, իր ասած՝ Քյարքիի, իսկ իրականում Տիգրանաշենի Պարույր Սեւակի անվան դպրոցը դադարեց գործել։

Ըստ կառավարության ծրագրի, 229 դպրոց ներառված են կրթական որակյալ ծառայությունների հասանելիության ապահովման հրամանի մեջ։ Փոքր թվով աշակերտներ ունեցող դպրոցների փոխարեն՝ երեխաներին պետք է հնարավորություն տրվի սովորելու ավելի մեծ, ժամանակակից եւ համապատասխան ենթակառուցվածքներով դպրոցներում, որքանով է սա վերաբերում Տիգրանաշենի դպրոցին, «Իրավունք»-ի ուսումնասիրությունը բավական խոսուն է։

Մեր ունեցած տեղեկություններով՝ ծրագրում ընդգրկված ավելի քան 80 դպրոց դեռ շարունակում է գործել, մինչդեռ Տիգրանաշենի դպրոցն արդեն դադարեցրել է աշխատանքը։ Արդյոք այս ամենի հետեւում գյուղը դատարկելու միտում չկա, սա այլեւս հռետորական հարց է։

Եթե կառավարությունը պնդում է, որ դպրոցների խոշորացումը երեխաներին ավելի որակյալ կրթություն ստանալու հնարավորություն է տալիս, ապա պետք է նաեւ պատասխան տա՝ ի՞նչ մեխանիզմով է այդ քաղաքականությունը կանխելու փոքր եւ սահմանամերձ բնակավայրերի դատարկումը։ Եթե այսօր երեխաները տեղափոխվում են Պարույր Սեւակ գյուղ՝ սովորելու, վաղը հնարավո՞ր է, որ իշխանությունները որոշեն, որ փոքր գյուղերում որեւէ այլ պետական կամ համայնքային ծառայություն պահելն էլ արդյունավետ չէ։ Ի՞նչ սպասել այս պարագայում։

Իսկ ի՞նչ է առաջարկվում ծնողին այս փոփոխության դիմաց,  գյուղում պետական ներկայության կրճատումը բերում է նրան, որ պետությունը չի կարող զգոն եւ հետեւողական լինել իր քաղաքացու նկատմամբ։ Հետեւաբար, կարող է  պետությունից ակնկալիք այլեւս չունենալ եւ, պարզապես, լքել գյուղը։

Արդյունքում ստացվում է, որ կրթական բարեփոխումների ծրագրի հիմնական դրույթները իրականցված չեն, այն է թե որկայալ կրթություն ստանալու ծառայությունների ապահովումը։ Մինչդեռ վնասներն արդեն ակնհայտ են, գյուղի դատարկումը գուցե ամիսների հարց է։

ՌՈՒԴԻԿ ԳՐԻԳՈՐՅԱՆ

Այս թեմայով Եկան, տեսան, բայց հաղթելու փոխարեն՝ գնացին Տիգրանաշեն գյուղը պատկանում է Պարույր Սևակ համայնքին, ի՞նչ իրավունքով է ադրբեջանական անունով ասվում Վաճառվում է Հայաստանը Տիգրանաշենի հարցին լուծում կտրվի բանակցությամբ, փոխանակման հարց չկա, ճիշտ որոշում պետք է կայացվի․ Դավիթ Տոնոյան Վտանգի տակ է Հայաստանի ազգային անվտանգությունը