Քաղաքացուց հափշտակված գումարը պետության եկամուտը չէ. Իրավապաշտպան

Իրավապաշտպան Մհեր Կարագոզյանը գրում է.

Եթե պետությունը հայտնաբերում և վերականգնում է հանցագործության արդյունքում ձեռք բերված 75 մլն դրամ, ապա առաջին հարցը պետք է լինի ոչ թե՝ «ինչպե՞ս համալրել պետական բյուջեն», այլ՝ «ո՞ւմ գույքային իրավունքն է պետք վերականգնել»։

Քննչական կոմիտեն այսօր հայտնում է, որ հանցավոր ծագում ունեցող 75 մլն դրամ փոխանցվել է պետական բյուջե։

Սա հենց այն հարցն է, որի մասին ես երկար ժամանակ բարձրաձայնում եմ։

Տուժողի իրավունքի վերականգնումը չպետք է դառնա քրեական վարույթի երկրորդական արդյունք։

Քաղաքացին իր գումարը կորցրել է ոչ թե այն պատճառով, որ պետությունը բյուջետային եկամուտ չի ունեցել, այլ որովհետև նրա նկատմամբ կատարվել է հանցագործություն։

Ուրեմն պետության առաջնային պարտականությունը պետք է լինի տուժած քաղաքացու խախտված գույքային իրավունքի վերականգնումը։

Եթե հայտնաբերված գումարը հանցագործության հետևանքով առաջացած վնասի աղբյուրն է, ապա ինչո՞ւ այն պետք է դառնա բյուջետային եկամուտ, այլ ոչ թե ծառայի տուժողի գույքային իրավունքի վերականգնմանը։

Ես կարծում եմ՝ այստեղ այլևս ոչ թե առանձին քրեական գործի, այլ պետական քաղաքականության փոփոխության հարց է։

Քրեական արդարադատության նպատակը չպետք է լինի բյուջեի համալրումը։
Առաջնային նպատակը պետք է լինի տուժողի իրավունքի վերականգնումը։

Հիշեցնենք, որ այսօր քննչական կոմիտեն հայտարարություն էր տարածել, ըստ որի.

ՀՀ քննչական կոմիտեի հատկապես կարևոր գործերի քննության գլխավոր վարչությունում հանցավոր կազմակերպության կողմից առանձնապես խոշոր չափերով համակարգչային հափշտակություն և փողերի լվացում կատարելու դեպքերի առթիվ նախաձեռնված քրեական վարույթի նախաքննության ընթացքում հանցավոր ծագում ունեցող 75 մլն ՀՀ դրամը փոխանցվել է պետական բյուջե:

Քրեական վարույթի նախաքննությունը շարունակվում է:

Այս թեմայով Պետք է Խաչատուր Ալբերտիչի հետ հանդիպեմ․ ինչու են վտարում Մհեր Արմենիային բնակարանից Իմ ճաշակով չէր, ես չեմ մասնակցել. Մհեր Գրիգորյանը՝ ԱԺ ծեծկռտուքի մասին Հայտնի է Մհեր Արմենիայի հայրիկի հոգեհանգստի արարողության օրն ու վայրը Մահացել է Մհեր Արմենիայի հայրը ՊԵՏԱԿԱՆ ՄԱՐՄԻՆՆԵՐԻ ԱՇԽԱՏԱՆՔԸ ԳՆԱՀԱՏԵՆՔ ՄԵԿ ՉԱՓԱՆԻՇՈՎ՝ ՔԱՂԱՔԱՑՈՒ ԼՈՒԾՎԱԾ ԽՆԴՐՈՎ. Մհեր Կարագոզյան