«Լամբադա» կամրջի հիմնանորոգումը նախատեսվում է ավարտել դեկտեմբերի 28-ին, երթևեկելի հատվածը՝ նոյեմբերի 1-ին:

Երևանի Դավիթ Անհաղթ-Կոմիտաս փողոցները միացնող «Լամբադա» կամրջի հիմնանորոգման աշխատանքները նախատեսվում է ավարտել դեկտեմբերի 28-ին, իսկ կամրջի երթևեկելի հատվածը շահագործման հանձնել նոյեմբերի 1-ին։

Այս մասին գործակարգավարական նիստի ժամանակ հայտնեց Երևանի քաղաքապետարանի Շինարարության և բարեկարգման վարչության պետի պաշտոնակատար Անդրանիկ Թևոսյանը։

Նրա խոսքով՝ նախատեսված աշխատանքների շրջանակում իրականացվելու են եզրային թռիչքի վնասված սալերի փոխարինում, պահպանվող սալերի ստորին հատվածների պաշտպանիչ բետոնային շերտի վերականգնում, մոտեցումներում անցումային սալերի և նոր դեֆորմացիոն կարերի իրականացում, նոր ջրամեկուսիչ շերտի և պաստառի տեղադրում։

«Նախատեսվում է նաև ռիգելների, հենարանների և հենապատերի վերանորոգում, բազրիքների ամրացում և ներկում, պաշտպանիչ ցանցերի և արտաքին լուսավորության մալուխատար ուղիների տեղադրում, ճանապարհային նշանների տեղադրում և գծանշման իրականացում»,-ասաց նա:

Դավիթ Անհաղթ-Կոմիտաս փողոցները միացնող «Լամբադա» կամրջի հիմնանորոգման աշխատանքները մեկնարկել են սեպտեմբերի 10-ին։

Այս թեմայով Ռուսները Կիևում խոցել է եւս մեկ առանցքային կամուրջ՝ Հյուսիսայինը (Տեսանյութ) Ռուսներն Օդեսայի մարզում կարեւոր կամուրջ են խոցել (Տեսանյութ) «Լամբադա» կամրջի ժամանակավոր փակումը մեծ խցանումներ է առաջացրել Երևանում Կիևյան կամուրջը երթևեկության համար կբացվի ավելի շուտ ՇՏԱՊ. Կիեւյանը փակել են, բայց կամրջի վրա աշխատող չկա