«Արցախում ոչնչացվում են հայ ժողովրդի մշակութային արժեքները»․ Հայկ Բաբուխանյան

Սեպտեմբերի 11-ին Կերչ քաղաքում տեղի ունեցավ «Ռուսաստանի Հարավի մշակութային ժառանգության պահպանումը» խորագրով միջազգային գիտաժողով ՝ նվիրված Կերչի հնությունների թանգարանի 200-ամյակին: Նրա աշխատանքներին մասնակցում էր Հայաստանից ժամանած պատվիրակությունը ՝ հայտնի քաղաքական գործիչ Հայկ Բաբուխանյանի գլխավորությամբ ։

Խորհրդաժողովը բացեց ՌԴ Նախագահին առընթեր Ղրիմի Հանրապետության ներկայացուցիչ Գեորգի Մուրադովը։ Իր ելույթում նա նշել է, որ մշակութային ժառանգության պահպանմանն անհրաժեշտ է ավելի մեծ ուշադրություն և ջանքեր հատկացնել: Հատկապես նշվել է իրավիճակը՝ կապված սկյութական ոսկու ցուցանմուշների հետ, որոնք Ամստերդամի ցուցահանդեսից հետո չեն վերադարձվել Ղրիմ, այլ, ըստ էության, գողացվել են Ղրիմի թանգարանից և տեղափոխվել Ուկրաինա:

Իր ելույթում Հ.Բաբուխանյանն ասաց, որ հայ ժողովրդին հասկանալի է ղրիմցիների ցավը՝ կապված Եվրոպայում նրանց թանգարանային նմուշների թալանի հետ, նաև այն պատճառով, որ Արցախի օկուպացիայից հետո այնտեղ բարբարոսաբար ոչնչացվում է հայերի մշակութային և հոգևոր ժառանգությունը: Նա կոչ է արել Կերչի 2650-ամյակի տոնակատարության նախապատրաստման միջոցառումների ծրագրում ներառել քաղաքի հայկական եկեղեցու վերականգնումը, որը նաեւ Ռուսաստանի Հարավի մշակութային ժառանգությունն է:

Գիտաժողովին հանդես եկավ անվանի պատմաբան Վահե Ավետիսյանը «Անտիկ ակունքներից դեպի միջնադարյան համայնք. Հայկական Սփյուռքի ծագման գործընթացը Ղրիմում» զեկույցով:

Հայկական պատվիրակությունը թանգարանի գրադարանին գրքեր է նվիրաբերել Ղրիմում հայկական մշակութային ժառանգության, ինչպես նաև Հայրենական Մեծ պատերազմի տարիներին Ղրիմի ազատագրմանը հայերի մասնակցության մասին:

Այս թեմայով «Ժողովուրդ». Քննարկվում է Ավետ Կոնջոյանին և Հայկ Սարգսյանին ՔՊ-ից հեռացնելու հարցը Նոյեմբերի 9-ը Հայաստանի փրկօղակն էր․ Հայկ Այվազյան «Հրապարակ»․ Հայկ Սարգսյանին ներում-բեկում չի լինելու Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից «Հրապարակ»․ Հայկ Սարգսյանի հարցը՝ վերեւներում