Նրան սոցիալապես սպանում են. Լեո Նիկոլյանի առողջական վիճակը ծանր է

«Իրավունք»-ին հասած տեղեկությունների համաձայն՝ ֆրանսահայ ռազմական եւ հետաքննող լրագրող ԼԵՈ ՆԻԿՈԼՅԱՆԸ ներկայում գտնվում է ծանր սոցիալական եւ առողջական վիճակում։

«Նրա վիճակն ինձ շատ է ցավեցնում։ Ֆրանսիական իշխանություններին հաջողվել է նրան սոցիալապես սպանել։ Դա ամենավատ բանն է, որ կարող էր պատահել նրա հետ։ Ավելին, խեղճը շատ վատ առողջական վիճակում է»,- նշեց մեր աղբյուրը։

Նրա խոսքով՝ Նիկոլյանից երբեմն որոշ տեղեկություններ է ստանում, սակայն դրանք լավատեսության հիմք չեն տալիս․ «Նա բարոյապես շատ ընկճված է։ Շատ եմ անհանգստանում նրա համար։ Ե՞րբ այս «արդարադատությունը» վերջապես հանգիստ կթողնի նրան։ Եթե ֆինանսական միջոցներ ունենայի, կվճարեի շատ լավ փաստաբանի, որ օգներ նրան։ Ես այս ամենն այնքան անարդար եմ համարում․ համառորեն հետապնդում են նրան»։

Հիշեցնենք, որ դեռեւս երկու տարի առաջ «Իրավունքը» գրել էր, որ Լեո Նիկոլյանը, որը քաղաքական ապաստան էր խնդրում Հայաստանից, չի կարողացել մուտք գործել Հայաստան։ ԱԱԾ-ից այն ժամանակ հայտնել էին, որ Նիկոլյանի մուտքն արգելելու հիմքում դրված տեղեկությունները պետական գաղտնիք են եւ ենթակա չեն տրամադրման։ Նա շաբաթներ շարունակ հացադուլ էր իրականացրել «Զվարթնոց» օդանավակայանում, որից հետո ստիպված էր վերադառնալ Փարիզ։ Դրանից հետո Նիկոլյանի շուրջ Ֆրանսիայում եւս մի շարք իրավական խնդիրներ են առաջացել։

Մասնավորապես, ըստ ավելի վաղ հրապարակված տեղեկությունների, նրա նկատմամբ քրեական հետապնդում էր սկսվել այն բանից հետո, երբ նա սոցիալական ցանցերում հրապարակել էր ոստիկանների գործողությունները նկարահանած տեսանյութ, որում տեսանելի էին նրանց դեմքերը։ Տեսանյութում երեւացող ֆրանսիացի ոստիկանուհին, ըստ այդ տեղեկությունների, բողոք էր ներկայացրել լրագրողի դեմ։

Նիկոլյանը պնդել էր, որ ոստիկանության բաժանմունքում իրեն ծեծի եւ խոշտանգման են ենթարկել, իսկ իր մի քանի հեռախոսներ այրել են՝ ինչի հետեւանքով ոչնչացվել է վերջին երկու տարվա լրագրողական աշխատանքն ամբողջությամբ։

Ավելի ուշ ֆրանսիական լրատվամիջոցներում տեղեկություններ էին հրապարակվել նաեւ Նիկոլյանի՝ Փարիզում հասարակական ավտոբուսում տեղի ունեցած միջադեպից հետո կալանավորվելու մասին։ Նրա նկատմամբ, ըստ այդ հրապարակումների, առաջադրվել էր նաեւ հակասեմիտիզմի հետ կապված մեղադրանք՝ կապված հրեա ուղեւորի հասցեին ենթադրյալ ծաղրանքի հետ։

ՀՐԱՆՏ ՍԱՐԱՖՅԱՆ

Այս թեմայով Ռուսական գրոհայիններն արդեն փոքր խմբերով մտնում են Դոբրոպոլե. Ուկրաինացի ռազմական թղթակից Ռուսաստանի դեմ ռազմական գործողությունների դեպքում Վարշավան կանհետանա 2-3 օրվա ընթացքում. Պատրուշև Թրամփը փաստացի հրամայել է ԱՄՆ բանակին պատրաստվել այլմոլորակայինների դեմ ռազմական գործողություններին. BILD «Ռուսաստանը պետք է ավարտին հասցնի հատուկ ռազմական գործողությունը, որպեսզի հետո ոչ ոք ծպտուն չհանի»․ Մեդվեդև Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր