Քանդում են Աջափնյակի շուկան․ տասնյակ տնտեսվարողներ անելանելի վիճակում են

Երեւանի քաղաքապետարանը գիշերվանից սկսել է քանդել Աջափնյակի հայտնի շուկան։ Արդեն շուրջ 30 կրպակ է քանդվել, իսկ ապամոնտաժման աշխատանքները դեռ շարունակվում են։ Քաղաքապետարանի այս որոշման հետեւանքով տասնյակ տնտեսվարողներ հայտնվել են անելանելի վիճակում՝ կանգնելով իրենց եկամտի եւ ընտանիքի ապրուստի միջոցի կորստի վտանգի առաջ։

Տնտեսվարողները, սակայն, ընդգծում են՝ իրենք դեմ չեն տարածքի կանաչապատմանը եւ ծառատունկին, ինչի մասին խոստանում են քաղաքային իշխանությունները։ 

«Իրավունք»-ին ահազանգած տնտեսվարողներից մեկը նշեց, որ իրենք պատրաստ են ընդառաջ գնալ քաղաքային իշխանությունների ծրագրերին, բայց ունեն շատ պարզ պահանջ․ իրենց համար ստեղծել համապատասխան կրպակներ, որոնց վարձակալության համար իրենք պատրաստ են վճարել։

«Մեր պահանջը մեկն է՝ ստեղծել համապատասխան կրպակներ։ Մենք պատրաստ ենք վարձակալության համար վճարել, միայն թե մեզ հնարավորություն տան աշխատելու, մեր հանապազօրյա հացը վաստակելու։ Մեզ չեն թողնում աշխատել, բայց փոխարենը ոչ մի հստակ այլընտրանք չեն տալիս»,- ընդգծեց տնտեսվարողը։

ՀՐԱՆՏ ՍԱՐԱՖՅԱՆ 

Այս թեմայով Ունի Հայաստանը գազի այլընտարանք. Մեկնաբանում է տնտեսագետը «Ժողովուրդ». Աջափնյակի կրակոցների գործով հնարավոր են նոր հաշվեհարդարներ Կվերսկսվի՞ հայկական գյուղմթերքի արտահանումը ռուսական շուկա․ Ռուսաստանի գյուղատնտեսության նախարարությունը հայտարարություն է տարածել Ինչ վերաբերում է ցորենին, ապա իրավիճակը խայտառակ է՝ ներկայիս տվյալներով այն չի հասնում 20%-ի․ Գյուղատնտեսը ահազանգում է Հայաստանն արտահանում է շուրջ 140 հազար տոննա գյուղմթերք, ինչպե՞ս կարող ենք մենք նման ծավալներով դուրս գալ եվրոպական շուկա