«Լամբադա» կամրջի ժամանակավոր փակումը մեծ խցանումներ է առաջացրել Երևանում

Երևանի «Լամբադա» կամրջի վերին հատվածի ժամանակավոր փակման պատճառով Կոմիտասի պողոտայում և հարակից փողոցներում վաղ առավոտից լուրջ խցանումներ են առաջացել։ 

«Լամբադա» կամուրջը, որը Քանաքեռ-Զեյթուն, Մոնումենտ և Կոմիտաս շրջանները կապող կարևոր հանգույց է, սեպտեմբերի 10-ից նոյեմբերի 1-ը մասամբ փակ է լինելու վերանորոգման համար։

Խցանումը սկսվում է Վրացական փողոցի խաչմերուկից և ձգվում մինչև կամուրջ։

Երթևեկության ծանրաբեռնվածության պատճառով հարակից փողոցներում, մասնավորապես՝ Մամիկոնյանց փողոցում, նույնպես խցանում է։ Քանի որ երթևեկության հոսքը տարածվել է այլ ուղղություններով, շղթայական ռեակցիայով խցանում է առաջացել նաև Սարալանջում։

Ստեղծված իրավիճակը հատկապես նկատելի է օրվա ծանրաբեռնված ժամերին։ Երևանի ճարտարապետական և տրանսպորտային ենթակառուցվածքներն այլընտրանքային շատ երթուղիներ չեն առաջարկում, ուստի մեկ հիմնական հատվածի փակումն արագորեն ազդում է հարևան փողոցների վրա։ Ավտոբուսի վարորդներն արդեն իսկ ասում են, որ հոգեբանորեն պատրաստվում են երթևեկության երկարատև խցանումներին։ Նրանց խոսքով՝ ստեղծված իրավիճակը կարող է վերածվել ամենօրյա «սերիալի» մինչև նոյեմբերի 1-ը, երբ ակնկալվում է, թե «Լամբադան» լիարժեքորեն գործելու է։

Այս թեմայով Երևանում 22-ամյա աղջիկ է տեղափոխվել հիվանդանոց, ծեծի են ենթարկել քավորն ու քավորկինը. Shamshyan Նոյեմբերի 8-ի երեկոյան հանրապետության մեծ մասում ձյուն կտեղա Հայտնի իրավապաշտպանը հրատապ հայտարարությամբ է հանդես եկել Զգուշացում. ջերմաստիճանը կտրուկ կնվազի, մինչև -4 աստիճան ցուրտ կլինի Բրիտանիայի համար ավելի մեծ վտանգ է ոչ թե Չինաստանը, այլ` Ռուսաստանը. MI6–ի նախկին ղեկավար