Ցավում եմ իրենց ավարտի համար, որովհետեւ զղջալու են իրենց ապրած կյանքի համար․ Հակոբկոխյան

«Բարգավաճ Հայաստան» կուսակցության նախագահ Գագիկ Ծառուկյանի հերթական դատին ներկա էր նաեւ ԽՍՀՄ սպորտի վաստակավոր վարպետ ԻՍՐԱՅԵԼ ՀԱԿՈԲԿՈԽՅԱՆԸ, ում հետ էլ զրուցեց «Իրավունք»-ը:

— Այսօրվա դատական կառույցը, որն ունենք Հայաստանում, խայտառակություն է: Այն կփոխվի միայն երբ փոխվեն ներկայիս իշխանությունները: Ծառուկյանի նման մարդուն դատելը, դա անգամ խոսքեր չեմ գտնում նկարագրեմ, թե ինչ է: Միայն այն, որ նա իսկապես բարերար է, այն որ նրա մտահղացմամբ Հիսուսի արձանն է կառուցվում, որ այդ սարը բարձրանալիս, անկախ քեզանից, ոգեշնչվում, ոգեւորվում ես, ամեն ինչ արժե։ Սակայն, ասօրվա անցողիկ մարդիկ որոշել են նրա նման մարդուն դատապարտեն:

Գիտեք, երբ առյուծը հիվանդանում է, վախկոտ բորենիները հարձակվում են վրան: Կարծում եմ՝ Գագիկ Ծառուկյանը մի 30-35 տարեկան լիներ, այս բորենիներին բոլորին կծալեր, բայց դե այսօր տեսանք՝ ինչ արեցին: Մարդը իր տան մեջ՝ ինքն իրեն համեստ է պահում, իսկ սրանք հարձակվեցին։ Հրաման կատարողները նազիր-վեզիրների կերպարանք են ընդունել եւ «լրագրողուհու» հրաման են կատարում՝ չմտածելով, թե վաղը կյանք կա, ի՞նչ խղճով են ապրելու ու մարդկանց երեսին նայելու: Դե ի՞նչ ասեմ, թող կատարեն, մինչեւ տեսնենք՝ երբ կգա դրանց վերջը։ Բայց մի բան պիտի հասկանան, որ երկիր մոլորակն Աստված այնպես է ստեղծել, որ եթե սկիզբ ունի, ապա ավարտ էլ ունի։ Ուղղակի, ես ցավում եմ իրենց ավարտի համար, որովհետեւ զղջալու են իրենց ապրած կյանքի համար։

ՆԱՆԱ ՍԱՐԳՍՅԱՆ

Այս թեմայով Իսրայելը բազմիցս զգուշացնում էր Սիրիային, որ իր տարածքում նման տեղակայումը սպառնալիք է Իսրայելի անվտանգությանը. Արտակ Զաքարյան Զենք փոխադրող ադրբեջանական ինքնաթիռը 5 օր անընդմեջ թռիչքներ է իրականացրել դեպի Իսրայել Մեծ խաղի «պասերի» մեջ. կկարողանա՞ Հայաստանը խաղալ սեփական խաղը Իսրայելը մեր ազգային ողբերգությունը օգտագործել է իր արտաքին քաղաքական շահերից ելնելով. Արմեն Պետրոսյան Եղել է դեպք, ասել եմ ասեք՝ «հորս արեւ», ասել են՝ պարոն Ծառուկյանի արեւ, բա հիմա ինչո՞ւ կողքին չեն. Իսրայել Հակոբկոխյան