Էդիկ Մինասյանը տնային կալանքից ազատ է արձակվել

ՀՅԴ անդամ, ԱԺ նախկին պատգամավոր Արծվիկ Մինասյանի եղբայրը՝ ԵՊՀ Հայոց պատմության ամբիոնի վարիչ Էդիկ Մինասյանը, տնային կալանքից ազատ է արձակվել։ Հակակոռուպցիոն դատարանը՝ դատավոր Տիգրան Դավթյանի նախագահությամբ, այսօր նախնական դատալսումների ընթացքում քննության առնելով խափանման միջոցի հարցը, որոշեց փոխել այն և որպես խափանման միջոց կիրառել բացակայելու արգելքը և վարչական հսկողությունը։ Այս մասին հայտնում է «Փաստինֆո»-ն՝ վկայակոչելով պաշտպան Բենիկ Գալստյանին։

Հիշեցնենք, որ Էդիկ Մինասյանը մեղադրվում է կաշառք ստանալու մեջ։ Մասնավորապես, ըստ մեղադրանքի, Մինասյանն ուսանողների ընդունելության հանձնաժողովի վրա ունեցած ազդեցությունն օգտագործելու եղանակով, քաղաքացու օգտին գործողություն կատարելու, այն է՝ վերջինիս Երևանի պետական համալսարան ընդունելությունն անխոչընդոտ ապահովելու նպատակով, նրա ազգականից պահանջել է նախ 5.000 ԱՄՆ դոլար, այնուհետև սակարկության արդյունքում՝ 4.000 ԱՄՆ դոլար կաշառք: Էդիկ Մինասյանը նախաքննության ընթացքում տնային կալանքի տակ էր։

Այս թեմայով Ինչու են ընկել Էդիկ Մինասյանի հետեւից Վարդան Այվազյանի նկատմամբ կիրառվել է կալանք, իսկ Էդիկ Մինասյանի նկատմամբ՝ տնային կալանք «Իրավունք». Ինչու են ընկել Էդիկ Մինասյանի հետևից Ովքեր են կաշառքի գործով ձերբակալված ամբիոնի վարիչները Վարդան Մինասյանը նոր ակումբ է գլխավորել