Կոբախիձեն հայտարարել է, որ չի պատրաստվում հրաժարական տալ

Վրաստանի վարչապետ Իրակլի Կոբախիձեն անհեթեթություն է անվանել կառավարության առաջիկա փոփոխությունների և իր հնարավոր հրաժարականի վերաբերյալ տարածվող տեղեկությունները։

Ինչպես հայտնում է «ԱՊԱ»-ի տեղական բյուրոն, կառավարության ղեկավարը լրագրողների հետ զրույցում նշել է, որ իր հրաժարականի մասին հարցերն իրեն տալիս են երեք ամիսը մեկ։

Վարչապետը հավելել է, որ ակնկալում է՝ երեք ամիս անց իրեն կրկին նույն հարցը կտան։

Կոբախիձեն զրպարտություն է անվանել նաև այն տեղեկությունները, թե վարչապետի պաշտոնը, իբր, զբաղեցնելու է Աջարիայի Ինքնավար Հանրապետության կառավարության ղեկավար Զուրաբ Պատարաձեն։

Նշենք, որ Վրաստանի ընդդիմադիր ուղղվածություն ունեցող որոշ լրատվամիջոցներ տարածել էին կառավարության կազմում հնարավոր փոփոխությունների մասին տեղեկություններ։ Իր հերթին, իշխող թիմի ներկայացուցիչները հայտարարում են, որ կառավարության կազմում կադրային փոփոխությունների որևէ ծրագիր կամ գաղափար չկա։

Այս թեմայով Վրաստանում ռուսաֆոբիան պետք է արմատախիլ արվի. Կոբախիձե Վրաստանը լավատեսությամբ է սպասում ԱՄՆ-ի հետ հարաբերությունների վերականգնմանը. Կոբախիձե 20-ամյա պայմանագրի հիման վրա կներկրվի 500 մլն մ³ գազ. Կոբախիձե Կոբախիձեն պատրաստ է ԵԱՀԿ ԽՎ նախագահի հետ քննարկմանը Կոբախիձե. ՆԱՏՕ-ի բաց դռների քաղաքականությունը երբեք գոյություն չի ունեցել, այն ֆարս էր