Մերկացրեք նրանց որքան հնարավոր է. Սեթ Գրինը բացահայտել է 90-ականների հեռուստատեսության չգրված կանոնը

«Բաֆֆի, վամպիրների բնաջնջողը» հեռուստասերիալում Օզին մարմնավորած ամերիկացի դերասան Սեթ Գրինը «Ինչպես հաջողության հասնել Էմիլի Կապելոյի հետ» փոդքաստի ժամանակ պատմել է 1990-ականների վերջի հեռուստատեսային մշակույթի մասին եւ հիշել, թե ինչպես էր այն ժամանակ The WB հեռուստաալիքը վերաբերվում երիտասարդ դերասանների արտաքինին եւ մարմնի ցուցադրմանը։

Նա սերիալին միացել էր 1997 թվականին՝ երկրորդ եթերաշրջանում, եւ մարմնավորում էր Օզին՝ Վիլոուի սիրային հետաքրքրությանը, որը հետագայում պարզվում է, որ մարդագայլ է։

Դերասանը պատմել է, որ իրեն առանձնապես չէր զարմացնում այն հանգամանքը, երբ նկարահանման համար պետք էր հանել վերնաշապիկը։ Գրինի խոսքով՝ նման սերիալներում, հատկապես երբ դերասանը հայտնվում էր ռոմանտիկ պատմությունների մեջ, մարմինը ցուցադրելը սովորական երեւույթ էր։ Նա կատակով հիշել է, որ արդեն տեսել էր սերիալի դերասաններից շատերին առանց հագուստի։

Այդ համատեքստում Գրինը The WB-ի այն ժամանակվա մոտեցումը նկարագրել է մոտավորապես այսպես․ «Տեսնենք՝ որքան մերկ կարող ենք այս երեխաներին ցուցադրել։ Դուք 18 տարեկան եք, չէ՞։ Դե գնացինք»։

Դերասանը, սակայն, չի ներկայացրել սա, թե՝ իրեն ստիպել են մերկանալ։ Նրա խոսքը ավելի շատ վերաբերում էր այն ժամանակվա հեռուստատեսային մշակույթին եւ այն բանին, թե ինչպես էին երիտասարդական սերիալներում դերասանների մարմինը օգտագործվում որպես էկրանային գրավչության մաս։

Գրինը նշել է, որ ինքը նման տեսարաններին բավական լուրջ էր պատրաստվում։ Նա հիշել է, որ իր սերնդի համար մարմնի ցուցադրման այդ մշակույթի հայտնի օրինակներից մեկը «Բեւերլի Հիլզի 90210»-ն էր, որտեղ Լյուք Փերին եւ Ջեյսոն Փրիսթլին հաճախ էին հայտնվում առանց վերնաշապիկի։

«Ես մտածեցի՝ լավ, մի շարք պրեսեր կանեմ», - պատմել է Գրինը՝ հիշելով, թե ինչպես էր պատրաստվում իր հերթին տեսախցիկի առաջ առանց վերնաշապիկի հայտնվելուն։

Դերասանը նաեւ պատմել է, որ մեկ այլ դերասան իրեն խորհուրդ էր տվել օգտագործել օդային շտկման միջոց՝ մարմնի մկաններն ավելի ընդգծված ցույց տալու համար։ Գրինը հրաժարվել էր այդ տարբերակից։ Նա կատակել է, որ իր մաշկն այնքան բաց է, որ օդային շտկումը կարող էր ավելի շատ դաջվածքի նման երեւալ։ Այդ պատճառով որոշել էր պարզապես մարզվել եւ նկարահանվել առանց նման հնարքների։