Նոր կարգավորումներ առցանց տաքսու վարորդների համար

Մրցակցության և սպառողների շահերի պաշտպանության հանձնաժողովում տեղի է ունեցել հանդիպում թվային հարթակներով ուղևորափոխադրման ծառայություններ մատուցող վարորդների հետ, որը վարել է հանձնաժողովի նախագահ Գեղամ Գևորգյանը։ Հանդիպմանը հրավիրված էին Երևանի քաղաքապետի տեղակալ Սուրեն Գրիգորյանը և Աշխատանքի և բարեկեցության նախարարության ներկայացուցիչը։

Հանձնաժողովի նախագահը հանդիպման սկզբում ներկայացրել է Yandex Go-ի հետ վարորդների բարձրացրած խնդիրների լուծման նպատակով իրականացված մի շարք աշխատանքներ։

Մասնավորապես, կարգավորվել են գնագոյացման հարցերը, սահմանափակվել է բազային գնից երեք անգամ աճը։ Եռամսյակային կտրվածքով այն չի կարող գերազանցել դեպքերի ընդհանուր ծավալի 5 տոկոսը, իսկ երկու անգամից հետո ավելացող հատվածի մասով Yandex հարթակը միջնորդավճար չի գանձում՝ ամբողջ գումարը թողնելով վարորդին և տաքսոպարկին։

Սահմանվել են նաև թույլատրելի մեքենաների արտադրության հստակ ժամկետներ։ «Ստարտ» կատեգորիայի համար մեքենայի արտադրության տարեթվից սահմանվել է առնվազն 10 տարի, իսկ ավելի բարձր կատեգորիաների համար՝ 4 տարի երաշխավորված ժամկետ։

Մայրաքաղաքի 36 խաչմերուկներում, որտեղ կայանումն արգելվում է, հարթակը թույլ չի տալիս պատվեր կատարել։ Այն դեպքում, երբ կայանումն արգելվում է ավելի քան մեկ րոպե, սպառողին ցուցադրվում է համապատասխան տեղեկատվություն։

«Բիզնես» կատեգորիայում ավելացվել է «Ինքս կբացեմ դուռը» կոճակը, որը կանխում է ուղևորի և վարորդի միջև թյուրիմացությունների և, հետևաբար, ցածր գնահատականների առաջացման ռիսկը։ Գաղտնի գնորդի միջոցով իրականացված ստուգումների ընթացքում դուռը չբացելու հանգամանքը հանվել է գնահատման չափանիշներից։

Գործարկվել է նաև լոուքոստեր ծառայությունը։ Ներկայում կատարվում են տեխնիկական շտկումներ և հարթակի աշխատանքի մոնիթորինգ։

Yandex + բաժանորդագրությունն ամբողջությամբ իրականացվում է ընկերության կողմից։ Վարորդները հետվճար են ստանում երթերի իրականացումից հետո։

Բացի այդ, մինչև տարեվերջ նախատեսվում է ավարտին հասցնել Հաբի ձևավորման աշխատանքները՝ ստեղծելով Yandex-ի հետ ուղիղ աշխատելու հնարավորություն։ Քննարկվում է նաև 5000 դրամը գերազանցող պատվերների դեպքում միջնորդավճարի գանձման հարցը։

Հանդիպմանը ներկա վարորդները ներկայացրել են իրենց դիտարկումները առանձին հարցերի վերաբերյալ։

Գեղամ Գևորգյանը հանդիպման մասնակիցներին հորդորել է խախտումներ արձանագրելու դեպքում փաստերը ներկայացնել հանձնաժողով։

Այս թեմայով Yandex֊ի սննդի պարկերը հիշեցնում են Սանիթեքի արկղներին Yandex-ի հետ կառավարությունը «փայի» մեջ ա, ՔՊ-ն գիտի՞, որ վարորդներից ամեն ամիս 250 հազար քերում են Ինչպիսի կեղտոտ տարաներով է առաքվում Ձեր ուտելիքը, երբ պատվիրում եք Yandex-ից Yandex Taxi-ն որոշել է իր վարորդների թերությունները «շտկել» ինֆլուենսերներին գումար տալով և PR-վելով.starnews.am Անասուն, հորդ տան դուռը չես փակում. Yandex-ի վարորդը վիրավnրել է ուղևորին. նոր բողnքներ հաճախորդներից