Ինչու ՊՆ-ն չաջակցեց «Մոնթե»-ին․ նախարարությունից պարզաբանում են

Վերջերս մամուլում լայն տարածում գտավ Genetic Production-ի հիմնադիր, «Մոնթե» ֆիլմի մտահղացման հեղինակ եւ գլխավոր պրոդյուսեր Նոնո Սարգսյանի հայտարարությունը։ Նա նշել էր, թե ֆիլմի նկարահանումները սկսելուց օրեր առաջ ՀՀ պաշտպանության նախարարությունը հրաժարվել է աջակցել պատերազմական տեսարանների նկարահանման հարցում։

«Դա նման ֆիլմի համար կատաստրոֆա է։ Ով ուզում ես լինես, չես կարող պատերազմական տեսարան նկարահանել՝ առանց պաշտպանության նախարարության աջակցության։ Հայտնվեցին հայրենասեր մարդիկ, ովքեր օգնեցին մեզ այդ բարդ իրավիճակում։ Գրողը տանի...  այդ ֆիլմը իմ մասին չէ, ձեր մասին չէ, փողոցում քայլող մարդու մասին չէ, այլ Մոնթե Մելքոնյանի մասին է։ Ինչպե՞ս կարելի է այդ ֆիլմին այդպես վերաբերվել»,- վրդովված ընդգծել էր Նոնա Սարգսյանը։

Եթե ՊՆ-ն իսկապես հրաժարվել է աջակցել «Մոնթե» ֆիլմի պատերազմական տեսարանների նկարահանման հարցում, ապա ո՞րն է եղել այդ որոշման դրդապատճառը, «Իրավունք»-ը հետաքրքրվեց հենց նախարարությունից։

Ի պատասխան մեր հարցման՝ նախարարությունից հայտնեցին հետեւյալը․ «Մոնթե» ֆիլմին աջակցելու դիմումում հստակ նշված չեն եղել ակնկալվող աջակցությանը եւ նկարահանումների ժամանակացույցին վերաբերող մանրամասները: Դիմումը ստանալուց հետո, պաշտպանության նախարարության համապատասխան աշխատակիցը կապ է հաստատել դիմումատուի հետ եւ խնդրել լրացուցիչ գրությամբ մասնավորեցնել ակնկալվող աջակցությունը եւ ներկայացնել նկարահանումների իրականացման ամիսները։ Մինչ օրս, «Մոնթե» ֆիլմին աջակցելու որեւէ այլ գրություն պաշտպանության նախարարությանը չի հասցեագրվել»։

ՀՐԱՆՏ ՍԱՐԱՖՅԱՆ

Այս թեմայով Հայտնի իրավապաշտպանը հրատապ հայտարարությամբ է հանդես եկել Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Հիքմեթ Հաջիեւ, թույլ տվեք հարցնել՝ ի՞նչ վստահության մասին եք խոսում Դադարեցրե՛ք այդ կնոջը փողոցային ձևով դատելը. Հայտնի իրավապաշտպանը հայտարարությամբ է հանդես եկել Արցախյան 1-ին պատերազմից մինչեւ 44-օրյա պատերազմ զենք ստացել ենք ռուսական 102-րդ ռազմաբազայից․ ԲԱՑԱՀԱՅՏՈՒՄ