13 տարի անց էլ քո սերը չի մարում. Մարկ Սաղաթելյանի կինը, ամուսնու մասին

Այսօր լրանում է իմ անչափ սիրելի ամուսնուս Մարկ Սաղաթելյանի ծննդյան 55-րդ տարելիցը:

13 տարի է անցել, բայց տարիները չեն կարողացել ջնջել քո կերպարը, քո ձայնը, քո ժպիտը և այն մեծ սերը, որ թողեցիր մեր սրտերում։

Դու ոչ միայն շատ ճանաչված ու սիրված դերասան էիր, այլև ամենակարևորը՝ լավ ամուսին, լավ մարդ և հրաշալի հայր։ Քո մարդկային տեսակը, բարությունն ու սերը քեզ անմահ դարձրեցին մեր հիշողություններում։

Քեզ ճանաչողները հիշում են որպես տաղանդավոր ու սիրված դերասանի, իսկ մենք՝ որպես մեր կյանքի ամենաթանկ մարդու: Քո բացակայությունը տարիների հետ չի դարձել ավելի հեշտ, պարզապես սովորել ենք ապրել քո կարոտով:

Թող Աստված լուսավոր պահի հոգիդ:

Դու ապրում ես քո թողած բարի գործերով, քո արվեստով, քո զավակների ու սիրելիների հիշողություններում։

Հավերժ սիրով ու կարոտով՝ քո Նունիկս, Մարկ ջան:

Հանգչիր խաղաղությամբ, իմ սիրելի։ Դու երբեք չես մոռացվի»։