Իրանից հերքել են Թրամփի պնդումը Խարգ կղզու ոչնչացման մասին

Խարգ կղզում իրավիճակը հանգիստ է, նավթի հետ կապված գործողությունները չեն դադարել, հայտարարել է Իրանի ազգային նավթային ընկերության գործադիր տնօրեն Համիդ Բովարդն՝ արձագանքելով ԱՄՆ նախագահ Դոնալդ Թրամփի այն հայտարարությանը, որ կղզուն ուժգին հարվածներ են հասցվում։ «Արմենպրես»-ի փոխանցմամբ՝ այս մասին հաղորդում է Reuters գործակալությունը՝ վկայակոչելով Nournews-ի հրապարակումը։

Բովարդը հերքել է, որ Իրանի նավթային գլխավոր կենտրոնը ոչնչացվում է, ինչպես պնդել էր Թրամփը Truth Social հարթակում գրառման մեջ։

«Թրամփի թվիթները ծիծաղելի են, և Խարգում իրավիճակը հանգիստ է և համապատասխան», – ասել է նա։

Պաշտոնյան հավելել է, որ կղզին անցյալում բազմիցս ռմբակոծվել է ԱՄՆ-ի և Իսրայելի ուժերի կողմից, բայց նավթագործները թույլ չեն տվել, որ գործողությունները դադարեցվեն «նույնիսկ մեկ րոպեով»։

Բովարդը հավելել է, որ կապալառուները ներկայում վերակառուցում և արդիականացնում են պահեստային բաքերը և նավամատույցները։

Խարգ կղզով է անցնում իրանական նավթի արտահանման 90%-ը։ Թրամփը հայտարարել էր, որ կղզին «փշուր-փշուր է արվում»։

Այս թեմայով Ուկրաինայի շուրջ ստեղծված իրավիճակը տանում է դեպի զանգվածային ոչնչացման զենքի կիրառում. Թաքեր Կարլսոն ՇՏԱՊ. ՀՀ նախագահ անճանաչելիորեն փոխվել է. ՖՈՏՈ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով ԱՄՆ Կոնգրեսն աջակցել է Ռուսաստանի դեմ «դժոխային պատժամիջոցների» մասին օրինագծին Ռադայի նախկին պատգամավորը հայտում է Զելենսկու դեմ կոմպրոմատտ մասին