Մոսկվայում ոստիկանությունը խոշոր շուրջկալ է իրականացրել մետրոյում․ ձերբակալվել է մոտ 140 անօրինական միգրանտ

Մոսկվայի մետրոյում մի քանի ժամ տևած շուրջկալի ընթացքում ՆԳՆ աշխատակիցները ձերբակալել են մոտ 140 օտարերկրյա քաղաքացու, որոնք Ռուսաստանում գտնվել են միգրացիոն օրենսդրության խախտմամբ։ Բոլոր ձերբակալվածների նկատմամբ կազմվել են վարչական արձանագրություններ, որից հետո նախատեսվում է նրանց արտաքսել երկրից, հայտնել է «Կոմերսանտը»՝ հղում կատարելով գերատեսչության միգրացիոն ծառայությանը։

Գործողության ընթացքում իրավապահները կիրառել են հատուկ համակարգ, որը նախատեսված է միգրացիոն օրենսդրությունը խախտողների բացահայտման համար։ ՆԳՆ-ում նշել են, որ նմանատիպ տեխնոլոգիաներ արդեն կիրառվում են մետրոյում, օդանավակայաններում, գետային նավահանգիստներում, երկաթուղային կայարաններում և այլ օբյեկտներում։

«Մոսկվայի մետրոպոլիտենի տարածքում անցկացված փորձը ցույց տվեց իր արդյունավետությունը», — նշվել է միգրացիոն ծառայության հաղորդագրության մեջ։

Գերատեսչությունում հավելել են, որ նման շուրջկալները կանցկացվեն կանոնավոր հիմունքներով, այդ թվում՝ Ռուսաստանի այլ տարածաշրջաններում։

Այս թեմայով Ուկրաինական անօդաչուները զանգվածային հարձակում են իրականացրել Վոլգոգրադի արդյունաբերական գոտու վրա. Ուկրաինական անօդաչուները խոշոր հարձակում են իրականացրել Լենինգրադի մարզում ՀՐԱՏԱՊ. Բազմիցս փորձել է ինքնասպանություն գործել. Բացառիկ մանրամասներ Խորխոռունու գործով Ձերբակալվել է Բաղրամյան պողոտայում 29-ամյա անձի դանակահարnւթյան մեջ կասկածվողը Վարչապետի նստավայրի մոտ բախnւմ է տեղի ունեցել