Մեծ Բրիտանիայում առաջին անգամ ուղեղի ուռուցքը հեռացվել է արհեստական ​​բանականության օգնությամբ

Լոնդոնի նյարդաբանության և նյարդավիրաբուժության ազգային հիվանդանոցում (NHNN) աշխարհում առաջին անգամ ուղեղի ուռուցքի հեռացումն իրականացվել է արհեստական ​​բանականության մասնակցությամբ: «Արմենպրես»-ի փոխանցմամբ՝ այս մասին հաղորդում է Լոնդոնի համալսարանական քոլեջի հիվանդանոցի (UCLH) մամուլի ծառայությունը։

«Բարդագույն վիրահատության ընթացքում նյարդավիրաբույժին իրական ժամանակի ռեժիմով օգնելու համար արհեստական ​​բանականության առաջին կիրառումը փրկել է գլխուղեղի ուռուցքը հեռացրած հիվանդի տեսողությունը», – նշված է հաղորդագրության մեջ։

Հիվանդը 48-ամյա Ռիս Հիբերթն է, որի մոտ հայտնաբերվել է մոտավորապես 11 միլիմետրի չափով հիպոֆիզի ուռուցք, որը սպառնալիք էր ներկայացնում տեսողության համար և կարող էր հանգեցնել կուրության։ Հիվանդանոցի տվյալներով՝ վիրահատությունից հետո հիվանդի տեսողությունը զգալիորեն բարելավվել է, և արդեն մի քանի օր անց նա կարողացել է քայլել առանց ձեռնափայտի ու ակնոցի։

Վիրահատության ընթացքում արհեստական ​​բանականությունն իրական ժամանակում լուսավորել է ուղեղի հիմքում գտնվող կարևորագույն կառուցվածքները՝ հիպոֆիզը, անոթները և տեսողական նյարդերը, վիրաբույժների խմբին օգնելով ճիշտ որոշումներ կայացնել։

Նախագծի տեխնիկական ղեկավար Սոֆյա Բանոն նշել է, որ համակարգն ուսուցանվել է հարյուրավոր վիրաբուժական տեսանյութերի վրա, ինչը նրան թույլ է տվել ճանաչել անատոմիան, գործիքները և հյուսվածքների փոխգործակցությունը։ Բժիշկները պլանավորում են համակարգն օգտագործել նաև այլ բարդ նյարդավիրաբուժական վիրահատություններում։

Այս թեմայով Չինաստանում նախազգուշացրել են արհեստական բանականության՝ պետական անվտանգության համար սպառնալիքների մասին Արհեստական ​​բանականությունը կարող է գրավել ամբողջ ինտերնետը ընդամենը 6-12 ամսից. Մասնագետ «Փեյփր Հաուս» ՍՊԸ-ն առաջարկում է մի շարք ծառայություններ Արնագույն արև Նյու Յորքում. Այս կադրերն արհեստական բանականության ձեռքի գործը չեն (Տեսանյութ) 53-ից բարձր կանայք չեն կարող զրկվել արհեստական բեղմնավորումից. ի՞նչ է որոշել Սահմանադրական դատարանը