«Մեծ հավատաքննիչի» կերպարով հանդես գալը ոչ թե ուժի, այլ խորքային տագնապի դրսեվորում է․ Հայր Վաչե

Հայաստանի Հանրապետության կառավարության այսօրվա գործող ղեկավարը, մի կողմ թողնելով մեր երկրի առջեւ ծառացած օրհասական մարտահրավերներն ու խնդիրները (որոնց մեծ մասի հեղինակը հենց ինքն է), արդեն տեւական ժամանակ ցանկություն է հայտնում զբաղվել Հայոց եկեղեցու ներսում տեղ գտած ոչ գոյաբանական խնդիրներով։ Անդրադառնալով վերոնշյալին՝ Հառիճավանքի վանահայր եւ Թրբանճյանի ընծայարանի տեսուչ Հոգեշնորհ ՏԵՐ ՎԱՉԵ աբեղա ՄԿՐՏՉՅԱՆՆ ասում է, որ սա հիշեցնում է մի մարդու, որը ամենուր փնտրում է իր կարողություններին համապատասխան մի ոլորտ՝ հույս ունենալով հաջողել, բայց, ավաղ, ամենուր նույն արդյունքն է արձանագրում՝ ձախողում եւ ավերում։ 

— Այժմ հերթը հասել է Հայոց եկեղեցուն։ Այժմ նա հանդես է գալիս որպես յուրօրինակ «մեծ հավատաքննիչ», ով որոշում է եկեղեցական անդաստանում ծառայող հոգեւորականների արժանավորությունը, նա է սահմանում քահանաների ճշմարիտ կոչումն ու առաքելությունը, այսինչ կամ այնինչ հոգեւորականին մեղադրելու եւ անգամ կարգազանցության մեջ դատապարտելու իրավասությունը։ 

«Մեծ հավատաքննիչի» կերպարով հանդես գալը ոչ թե ուժի, այլ խորքային տագնապի եւ քաղաքական անկարողության դրսեւորում է՝ սեփական ձախողումները հանրային ուշադրությունից շեղելու համար: Պատմական փորձը մեկ անգամ չէ, որ փաստել է՝ Եկեղեցու ներսում առկա խնդիրները լուծվում են միայն ու հենց եկեղեցու կանոնական ու հոգեփրկչական ընկալումների ճանապարհով, այլ ոչ թե «Մեծ հավատաքննիչի» դեր ստանձնած աշխարհիկ իշխանության միջամտությամբ, նրա ապօրինի կարգադրություններով կամ քաղաքական բեմերից հնչեցվող մերկապարանոց դատավճիռներով։ 

Այս թեմայով ՀՀ-ում ՌԴ դեսպանն այցելել է Ախթալայի Սուրբ Մարիամ Աստվածածին վանք Հավատալ նշանակում է վախի մեջ չմոռանալ Աստծուն, ցավի մեջ չկորցնել հույսը. Տեր Հեթում Տուպիկի մեջ էի, ելք չէի գտնում. Վրթանես Սրբազանի տրտունջը Թող քեզանում մարդն իրեն տեր զգա. Հայտնի իրավապաշտպանը Երեւանի տոնի կապակցությամբ նիկոլի բանաձևն է հայը մեղավոր է ադրբեջանցին՝ երբեք. Աննա Մկրտչյան